Барои гирифтани иҷозатнома барои воридот ё истеҳсоли иловаҳои биоактивӣ (БАД), ягон иҷозатнома ё рухсатномаҳои дигар талаб карда намешавад.

Инчунин, бобати додани дархост барои қайди иловаҳои биоактивӣ ҳам ба шахсони юридикӣ, ҳам ба соҳибкорони хусусӣ бидуни маҳдудият рухсат дода мешавад.   

Тибқи қоидаҳои савдои чакана, фурӯши иловаҳои биоактивӣ (БАД) тавассути агентҳои фурӯш бо роҳи маркетинги шабакавӣ, доруҳо ва маҳсулоти тиббӣ манъ аст. Мутобиқи ин қоидаҳо дигар маҳдудиятҳо барои татбиқ вуҷуд надоранд.

Тибқи иттилои Агентии ҳифзи ҳуқуқи истеъмолкунандагон, Низомнома дар бораи тартиби фурӯши чаканаи доруворӣ ва маҳсулоти таъиноти тиббӣ (ҚДВ аз 6 апрели соли 2017 No185) ба дорухонаҳо иҷозат медиҳад, ки воситаҳои санитарию гигиенӣ, ғизои тиббӣ, обҳои маъданӣ, инчунин маҳсулоти тиббию косметикӣ, иловаҳои аз ҷиҳати биологӣ фаъолро (БАД) дар сурати мавҷуд будани ҳуҷҷатҳои дахлдор барои истифода ва фурӯши онҳо фурӯшанд.

Иловаи биоактивӣ табобат намекунад...

Дар тафовут аз  иловаҳои биоактивӣ, таъини доруҳо тибқи қонунгузорӣ ҳамчун пешгирӣ, ташхис ва табобати беморӣ муайян карда мешавад. Онҳо метавонанд ҷузъҳои пурқувватеро дар бар гиранд, ки дар ғизо мавҷуд нестанд ва ниёз ба онҳо ҳатман физиологӣ нест. Аз ин рӯ, доруҳоро танҳо дар дорухонаҳо харидан мумкин аст ва бисёре аз онҳо танҳо бо тавсияи духтур дастрасанд. Онҳоро танҳо мувофиқи дастури мутахассис қабул кардан лозим аст.

Ва иловаҳои биоактивӣ ғизо мебошанд ва восита доруворӣ нестанд. Онҳо ҳамчун манбаи иловагии моддаҳои фаъоли биологӣ (нахи парҳезӣ, витаминҳо, минералҳо, аминокислотаҳо) барои бартараф кардани норасоии онҳо ва оптимизатсияи парҳез истифода мешаванд.