Дар қасри «Кармелита» дар Будапешт Президенти Ҷумҳурии Ӯзбекистон Шавкат Мирзиёев ва Сарвазири Венгрия Виктор Орбан дар доираи маҳдуд мулоқоти дуҷониба баргузор намуданд.

Зимни суҳбат масъалаҳои минбаъд вусъат додан ва  амиқсозии шарикии стратегии Ӯзбекистону Венгрия баррасӣ гардиданд.

Президенти Ӯзбекистон ба пешвои Венгрия барои пазироии гарм ва меҳмондӯстии самимӣ дар сарзамини Венгрияи дӯст самимона миннатдорӣ изҳор намуд.

Роҳбари давлат бо қаноатмандии амиқ рушди муттасил ва мунтазам мустаҳкам гардидани шарикии ҳамаҷонибаи стратегии байни ду мамлакатро таъкид кард. Қайд гардид, ки аҳду паймон дар натиҷаи ташрифи расмии роҳбари Ҳукумати Венгрия ба Ӯзбекистон моҳи марти соли 2021 дар муносибати байни Ӯзбекистону Венгрия саҳифаи нав боз намуда, ҳамкории дуҷонибаро ба дараҷаи боз ҳам баланд бардошт.

Робитаҳо дар дараҷаҳои мухталиф фаъол гардида, гуфтугӯйи босамари сиёсӣ ва ҳамкории байнипарлумонӣ роҳандозӣ гардид, лоиҳаҳои муштарак дар соҳаҳои тиҷорату иқтисодӣ ва сармоягузорӣ ба амал татбиқ гардида, табодули маданиву инсонпарварӣ афзоиш меёбад.

Зимни гуфтугӯ ба минбаъд вусъат додани ҳамкории тиҷоративу иқтисодӣ, татбиқи лоиҳаҳои муштараки сармоягузорӣ, аз он ҷумла бо роҳи ҳамкории саноатӣ, эътибори алоҳида нигаронда шуд. Ба ҳамин маънӣ ҳамдигарро пурра намудан ва шабоҳати стратегияи рушди иқтисодиёти миллӣ, ки ба диверсификатсия ва индустриализатсия нигаронда шудааст, таъкид гардид.

Зикр шуд, ки дар солҳои охир табодули мол аллакай афзуд ва тамоми имконот ва пешомад барои ба маротиб афзудани он вуҷуд дорад. Ба ин инчунин молики мақоми «GSP+»-и Иттиҳоди Аврупо гардидани Ӯзбекистон мусоидат менамояд.

Ҷонибҳо ният доранд, ки ба ҳамдигар имтиёзот ва преференсия вогузор намоянд, истеҳсоли маҳсулоти омодаро якҷоя ташкил намуда, онро ба бозорҳои мамлакатҳои ИДМ, Осиёи Шарқӣ ва Ҷанубӣ, инчунин Шарқи Наздик бароранд.

Соҳаҳои истиқболноки ҳамкорӣ дорусозӣ, хоҷагии қишлоқ, электротехника, мошинсозӣ, инноватсия, рақамисозӣ, нақлиёт ва ҳамчунин тадқиқотҳои илмӣ ба забон гирифта шуданд.

Пешвоёни ду мамлакат инчунин мушкилоти муҳими байналхалқӣ ва минтақавиро муҳокима намуданд. Масъалаҳои ҳамкорӣ дар доираи сохторҳои байналхалқӣ, аз он ҷумла СММ, САҲА, Ташкилоти давлатҳои туркӣ ва ғайра дахл карда шуданд.

Сарвазири Венгрия иштироки худро дар ҳамоиши нахустини Ташкилоти давлатҳои туркӣ, ки моҳи ноябри соли ҷорӣ дар шаҳри Самарқанд баргузор мегардад, тасдиқ кард.