Президенти Ҷумҳурии Ӯзбекистон Шавкат Мирзиёев 11 феврал Сарвазири Ҷумҳурии Қазоқистон Алихан Смаиловро, ки ба мамлакатамон бо сафари корӣ омадааст, қабул кард.
Масъалаҳои рушди минбаъда ва амиқсозии муносибатҳои ҳамкориҳои бисёрҷанбаи Ӯзбекистону Қазоқистон мавриди баррасӣ қарор гирифтанд.
Дар оғози мулоқот Сарвазир Алихан Смаилов саломи самимӣ ва орзуҳои беҳтарини Президенти Ҷумҳурии Қазоқистон Қосим-Жомарт Тоқаевро ба роҳбари давлатамон расонд.
Дар мулоқот чораҳои аз ҷониби ҳукуматҳои ду кишвар оид ба таъмини иҷрои амалии созишномаҳои раҳбарони Ӯзбекистон ва Қазоқистон андешидашуда, ки дар ҷараёни мулоқоти моҳи декабри соли гузашта ҳосил шуда буданд, баррасӣ шуданд.
Ба масъалаҳои фароҳам овардани шароити мусоид барои афзоиши ҳаҷми муомилоти мол ва мувозинати нишондиҳандаҳои он, суръат бахшидан ба лоиҳаҳои нави кооператсияи саноатӣ ва таъсиси марказҳои логистикӣ, тавсеаи ҳамкориҳои мутақобилан судманд дар бахшҳои обу энергетика ва нақлиёту коммуникатсия, фаъол гардонидани робитаҳои байниминтақавӣ ва мубодилаи маданию башардӯстӣ таваҷҷуҳи махсус зоҳир карда шуд.
