Президенти Ҷумҳурии Ӯзбекистон Шавкат Мирзиёев 23 феврал вазири иқтисоди Озарбойҷон, ҳамраиси Комиссияи байниҳукуматии дуҷониба Микайил Ҷабборовро, ки таҳти роҳбарии ҳайати Озарбойҷон ҷиҳати иштирок дар ҷаласаи якуми Форуми муштараки минтақаҳо ва мулоқоти Шӯрои соҳибкорон ба кишвари мо омадааст, ба ҳузур пазируфт.
Масъалаҳои иҷрои амалии созишномаҳое, ки дар сатҳи олӣ ба даст омаданд, баррасӣ шуданд.
Дар оғози мулоқот вазири иқтисод Микоил Ҷабборов саломи самимӣ ва орзуҳои неки Президенти Озарбойҷон Илҳом Алиевро ба сарвари давлатамон расонд.
Зимни суҳбат дар самти татбиқи лоиҳаҳои ҳамкорӣ дар соҳаи автомобилсозӣ, саноати нассоҷӣ ва кирмакпарварӣ пешрафт бо қаноатмандӣ қайд карда шуд. Созишнома дар бораи таъсиси фонди муштараки сармоягузорӣ ба имзо расид. Ба лоиҳаҳои пешомаднок дар сектори нафту газ, соҳаи нақлиёт ва логистика омодагӣ дида мешавад.
Аҳамияти афзоиши минбаъдаи портфели ҳамкориҳои амалии ду кишвар, аз ҷумла дар чаҳорчӯби барномаи маҳаллисозии ҷоришаванда таъкид шуд.
