Президенти Ҷумҳурии Ӯзбекистон Шавкат Мирзиёев бо Раиси Шӯрои Федератсияи Маҷлиси Федералии Федератсияи Русия Валентина Матвиенко суҳбати телефонӣ анҷом дод.
Раиси Палатаи болоии Парлумони Русия сарвари давлатамонро ба муносибати рӯзи таваллудаш самимона табрик гуфта, ба ӯ саломатии бардавом, бахту саодат ва дар татбиқи стратегияи ислоҳот ва дигаргуниҳои густурда дар Ӯзбекистони нав муваффақиятҳои калон орзу намуд.
Зимни суҳбат масъалаҳои рушди минбаъда ва амиқсозии ҳамкориҳои гуногунҷанбаи ду кишвар баррасӣ шуданд.
Ҳамкории наздик ва самарабахши байнипарлумонӣ, ки ба таҳкими пайвастаи муносибатҳои дӯстӣ, шарикии стратегӣ ва иттифоқии Ӯзбекистону Русия мусоидат мекунад, бо қаноатмандии бузург қайд карда шуд.
Дар доираи ҳамкориҳои минтақавӣ моҳи майи соли ҷорӣ дар шаҳри Ашқобод Анҷумани байнипарлумонии кишварҳои Осиёи Марказӣ ва Русия бомуваффақият баргузор гардид. Моҳи октябр дар Тошканд ҷаласаи навбатии Ассамблеяи байнипарлумонии ИДМ баргузор мешавад.
Раҳбари Ӯзбекистон бори дигар ҷонибдори худро аз рушди ҳамкориҳои наздик ва судманди парлумонҳои ду кишвар тасдиқ кард.
