Президенти Ҷумҳурии Ўзбекистон Шавкат Мирзиёев 8 сентябр Раиси Маҷлиси Миллии Генгеши Туркманистон Гулшат Мамедоваро, ки дар доираи барномаи ҳамоиши занони роҳбари парлумонҳои кишварҳои ҷаҳон, ки дар ин рӯзҳо дар шаҳри Тошкент баргузор мегардад, дар мамлакатамон қарор дорад, қабул кард.
Дар оғози мулоқот раиси Маҷлис Гулшат Мамедова ба роҳбари Ӯзбекистон саломи самимӣ ва орзуҳои неки Президенти Туркманистон Сердар Бердимуҳамедов ва Раиси Халқ Маслаҳатии Генгеши Миллӣ Гурбангулӣ Бердимуҳамедовро расонд.
Сарвари давлатамон сатҳи баланди муносибатҳои Ӯзбекистону Туркманистонро бо қаноатмандии амиқ қайд кард, ки ба риштаҳои мустаҳками дӯстӣ ва неки ҳамсоягӣ, эътимод ва шарикии стратегӣ асос ёфтааст.
Нақши муҳими парлумонҳои ду кишвар дар тавсеаи ҳамкориҳои гуногунҷанба, пешбурди лоиҳаҳои муштараки ҳамкорӣ ва барномаи табодули фарҳангиву гуманитарӣ махсусан таъкид шуд.
Ба ҳамкориҳои судманд дар чаҳорчӯби Иттиҳоди байнипарлумонӣ, инчунин платформаҳои муассири муколама дар минтақаи Осиёи Марказӣ баҳои баланд дода шуд.
