10 ноябр дар доираи барномаи нишасти Созмони давлатҳои туркӣ дар шаҳри Самарқанд Президенти Ҷумҳурии Ӯзбекистон Шавкат Мирзиёев бо Сарвазири Венгрия Виктор Орбан гуфтушунид анҷом дод.
Дар мулоқот масъалаҳои густариши ҳамкориҳои амалӣ ва таҳкими муносибатҳои дуҷонибаи шарикии стратегӣ тибқи созишномаҳои сатҳи олӣ муфассал баррасӣ шуданд.
Натиҷаҳои судманди робитаҳои фаъоли соҳибкорон, аз ҷумла дар доираи форуми муштараки соҳибкорон, ки ин рӯзҳо бо иштироки ширкату корхонаҳои бонуфузи ду кишвар баргузор шуданд, бо қаноатмандӣ қайд гардиданд.
Ба пешбурди лоиҳаҳои муштараки сармоягузорӣ дар соҳаҳои саноат, кимиё, дорусозӣ, бахши бонку молия, нақлиёту логистика ва дигар самтҳои афзалиятнок таваҷҷуҳи хоса дода шуд. Дар бораи суръат бахшидан ба ташкили механизмҳои дастгирии молиявии ташаббусҳои соҳибкорӣ созиш ҳосил шуд.
Муҳимияти идомаи барномаҳои табодули башардӯстона, пеш аз ҳама дар соҳаи таълим, фарҳанг ва кинематография таъкид шуд.
