Дар чаҳорчӯбаи барномаи сафар дар шаҳри Қазон Президенти Ҷумҳурии Ўзбекистон Шавкат Мирзиёев бо Сарвазири Ҷумҳурии Ҳиндустон Нарендра Моди мулоқот анҷом дод.
Масъалаҳои густариши минбаъдаи муносибатҳои шарикии стратегӣ ва ҳамкориҳои гуногунҷанбаи Ӯзбекистону Ҳиндустон баррасӣ шуданд.
Ба татбиқи барномаву лоиҳаҳо дар соҳаҳои технологияҳои баланд, зеҳни сунъӣ, саноат, энергетика, дорусозӣ, коммуникатсияҳои нақлиётӣ таваҷҷуҳи махсус дода шуд.
Дар бораи соли ҷорӣ баргузор намудани ҷаласаи навбатии Комиссияи байниҳукуматӣ ва форуми соҳибкорон, қабули Барномаи миёнамӯҳлати ҳамкории саноатӣ тавофуқ ҳосил шуд. Пешниҳод шуд, ки Рӯзҳои мутақобилаи фарҳанг ва кино, чорабиниҳои муштарак дар соҳаҳои тиб, варзиш ва ҷавонон, аз ҷумла тавассути созмонҳои парлумонии ҷавонон ташкил карда шаванд.
Сарони ду кишвар ҳамчунин ҷадвали баргузории чорабиниҳои пешистодаи сатҳи олиро баррасӣ карданд.
