Президент Шавкат Мирзиёев ба маркази сайёҳии «Олтин ипак карвонсаройи»-и шаҳри Марғелон ташриф овард.

Дар ин ҷо муҳит ва ҳаёти хонаҳои қадимаи ӯзбекҳо ба вуҷуд оварда шудааст. Дар ошёнаи якуми маҷмӯъ сехҳои қолинбофӣ, гулдӯзӣ, ҳунарҳои мисгарӣ ва ғайра мавҷуданд. Сайёҳон метавонанд раванди истеҳсоли маҳсулоти миллиро аз наздик мушоҳида намуда, онҳоро харидорӣ намоянд.

Дар ошёнаи дуюм корвонсарой бо услуби анъанавӣ барои 30 нафар ташкил карда шудааст. Маҷмаа дар оянда соле ба зиёда аз 10 ҳазор сайёҳон хидмат мерасонад.

Сарвари давлат аз ҳунармандон барои идомаи ҳунарҳои мардумӣ ва таваҷҷуҳ ба тарбияи ҷавонон изҳори сипос кард.

– Дар асри технологияҳои муосир ба чунин ҷойҳои оддӣ, рӯҳбаландкунанда пазмон мешавед, – гуфт Шавкат Мирзиёев. — Падару модарони мо ин ҳунар, ин маданиятро ба вуҷуд оварда, на танҳо меҳнат, балки як қисми дилу ҷони худро бахшида буданд. Замоне ҳунармандӣ дар арафаи аз байн рафтан буд. Ташаккур ба шумо, ки онҳоро нигоҳ медорад. Бояд на танҳо маданияти моро дар байни меҳмонони хориҷӣ тарғиб кард, балки онро ба фарзандони худ талқин намуд.

Президент пешниҳоди ҳунармандонро дар бораи омӯзиши ҳунарҳои мардумӣ дар мактабҳо ҷонибдорӣ кард. Ба масъулин оид ба баланд бардоштани иқтидори сайёҳӣ, истифодаи самараноки санъати кино ҷиҳати тарғиби он тавсияҳо дода шуданд.

Соли гузашта шаҳри Марғелон мақоми “Шаҳри умумиҷаҳонии устоҳо”-ро оид ба абрешим ва икат ба даст овард. Шаҳрҳои Бухоро (барои санъати зардӯзӣ) ва Қӯқанд (барои кандакории чӯб) ҳамин мақомро гирифтанд.