Президенти Ҷумҳурии Ӯзбекистон Шавкат Мирзиёев 21 июн Сарвазири Ҷумҳурии Қазоқистон Асқар Маминро, ки ба мамлакатамон барои иштирок дар ҷамъомади навбатии Комиссияи байниҳукуматӣ омадааст, қабул кард.

Сарвари давлатамон аз пайваста мустаҳкам гардидани муносибатҳои дӯстӣ ва шарикии стратегии Ӯзбекистону Қазоқистон, инчунин вусъат пайдо кардани ҳамкории ба ҳамдигар муфид дар соҳаҳои гуногуни иқтисодиёт қаноатмандии амиқ изҳор кард.
Дар навбати худ, Сарвазири Қазоқистон ба Президенти Ӯзбекистон барои пазироии самимӣ миннатдорӣ изҳор намуда, салом ва таманноҳои беҳтарини Нахустин Президенти Қазоқистон – Елбаси Нурсултон Назарбоев ва Президент Қасим-Жомарт Тоқаевро расонд.
Дар рафти вохӯрӣ таъкид гардид, ки мулоқотҳои мунтазам ва музокироти эътимодомез дар дараҷаи раҳбарони ду мамлакати бародар муносибатҳои дуҷонибаро ба дараҷаи сифатан нав бароварда, онҳоро бо мазмуни дақиқи амалӣ ғанӣ гардонд.
Қайд гардид, ки ҷамъомади Комиссияи байниҳукуматӣ, ки имрӯз бори аввал дар дараҷаи сарони ҳукуматҳо гузаронда шуд, механизми самарабахши пеш бурдани лоиҳаҳои пешомаднок дар соҳаи савдо, сармоягузорӣ, кишоварзӣ, нақлиёт ва логистика, сайёҳӣ ва самтҳои дигар ба ҳисоб меравад.
Ба васеъ гардондани равобити байниминтақавӣ, инчунин мубодилаи маданиву инсонпарварӣ, аз он ҷумла баргузор намудани чорабиниҳои муштарак дар доираи Соли Қазоқистон дар Ӯзбекистон эътибори муҳим дода шуд.
Сарвазири Қазоқистон Асқар Мамин таъкид намуд, ки саъю кӯшишаш ба минбаъд амиқ гардондани муносибатҳои сернақшаи шарикӣ ва бечунучаро татбиқ намудани созишномаҳо дар дараҷаи баланд қатъӣ мебошад.

ӮзА.