Дар Франкфурти назди Майна дипломатҳои ӯзбек бо намояндагони ширкати мошинсозии олмонии “Lyma GmbH” мулоқот карданд.
Дар вохӯрӣ намояндагони Консулгарии генералии кишварамон бо роҳбарияти ширкат имкониятҳои роҳандозии муҳоҷирати қонунии меҳнатӣ, фароҳам овардани шароити муносиби кор ва шароити зист барои шаҳрвандони Ӯзбекистон дар Олмонро баррасӣ карданд.
Ба дипломатҳои ӯзбек шароити кор ва зиндагии кормандони ширкат пешкаш карда шуд. Барои шаҳрвандони хориҷӣ ширкат меҳмонхона, инчунин як бинои бисёрошёна барои зист бо оилаҳояшон харидааст.
Раҳбари ширкат Вадим Чишевский аз ислоҳоти дар Ӯзбекистон гузаронидашаванда истиқбол намуда, ҳамчунин изҳори омодагӣ кард, ки имкони ҷалби коргаронро аз Ӯзбекистон бо дурнамои афзоиши ҷалби коргарон бо назардошти тавсеаи пешбинишудаи иқтидорҳои истеҳсолӣ баррасӣ менамояд. Аз сабаби зиёд шудани фармоишҳо корхона имрӯзҳо ба мутахассисон барои корҳои кафшергарӣ ва сохтмону васл эҳтиёҷ дорад.
Ҷонибҳо оид ба баррасии минбаъдаи такмили масъалаҳои баррасишуда ба мувофиқа расиданд ва ба ҳамкориҳои судманд изҳори умедворӣ карданд, хабар медиҳад АИ “Дунё.
Барои маълумот: “Lyma GmbH” корхонаи инноватсионӣ буда, дар қисми шимолии иёлати федералии Баден-Вюртемберг дар шаҳри Бухен ҷойгир аст. Он дар қаламрави Полша дорои иқтидорҳои истеҳсолӣ буда, ба тарҳрезӣ, истеҳсол ва хидматрасонӣ ба техникаи махсус, ки ба васлкунии кранҳои автомобилӣ барои сатҳи вазнинии миёна ва баланд машғул аст. Ширкат маҳсулоти худро дар Аврупо мефурӯшад. Дар оянда, “Lyma GmbH” ният дорад мавқеи худро дар бозори ҷаҳонӣ инкишоф диҳад ва ба таври илова лоиҳаҳои гуногунро дар соҳаи сохтмон ва дорусозӣ таҳия мекунад.
