Дар доираи лойиҳаи хаби «Шарқӣ» «Uzbekistan Airways Express» бинобар самти “Намангон — Уфа — Намангон” парвозҳои мунтазам анҷом медиҳад. Парвозҳо рӯзҳои якшанбе амал мекунанд. Парвози нахустин рӯзи 30 январи соли ҷорӣ дар назар аст.
Нархи чиптаи ҳавопаймо дар самти “Намангон – Уфа” аз 1 611 677 сӯм ва дар хати “Намангон – Уфа – Намангон” аз 3 037 047 сӯм оғоз мешавад.
Барои маълумот, мақсади асосии хаби “Шарқӣ”-и «Uzbekistan Airways» фароҳам овардани шароити муфид ва бароҳат барои парвоз дар самтҳои серодамтарин аз водии Фарғона мебошад. Тибқи лоиҳа, «Uzbekistan Airways» аз фурудгоҳҳои байналмилалии Намангон ва Фарғона истифода мебарад, то шабакаи хатсайрҳоро аз минтақа ба шаҳрҳои Русия ва шаҳрҳои хориҷи дур, ки дар миёни сокинони водии Фарғона маъруфанд, васеъ намояд. Рӯйхати самтҳо ҳашт хатсайри машҳурро дар бар мегирад.
Аз 31 январ, чӣ хеле ки интизорӣ меравад, «Uzbekistan Airways» анҷоми парвозҳои мунтазамро аз Намангон ба Москва, Пермь, Самара, Омск, Оренбург, Иркутск, Краснодар ва Екатеринбург бинобар тамоюли Full Econom (full эконом-класс) оғоз менамояд, хабар медиҳад “Uzreport” бо истинод ба хидмати матбуоти ширкати ҳавопаймоӣ.
Илова бар ин, аллакай аз фурудгоҳи Фарғона ба Маскав, Қазон ва Истамбул ҳавопаймоҳо парвоз мекунанд. Ташкили ин парвозҳо марҳалаи аввалини таъсиси марказ буд. Оғози алоқаи ҳавоӣ аз Намангон марҳилаи дуюм аст. Бо афзоиши талабот, васеъ кардани шабакаи хатсайрҳо аз Намангон низ баррасӣ мешавад. Дар оянда «Uzbekistan Airways» ба марҳилаи сеюм – зиёд гардондани миқдори парвозҳо ва вусъат додани шабакаи хатсайрӣ аз Фарғона шурӯъ мекунад.
