Ӯзбекистониёне, ки дар Русия қарор доранд, метавонанд шаҳодатномаҳои ронандагии кӯҳнаи худро дар сафорат ва консулгарӣ ба нав иваз кунанд

Шӯъбаи консулгарии Сафорати Ӯзбекистон дар Русия, инчунин консулгариҳои генералии кишвари мо дар Владивосток, Екатеринбург, Қазон, Новосибирск, Ростов-на-Дону ва Санкт-Петербург аз 25 январ ба қабули шаҳрвандоне шурӯъ карданд, ки нияти иваз кардани шаходатномаи ронандагии миллии услуби кӯҳнаро бо нав доранд.

Қабули ҳуҷҷатҳо мувофиқи қарори Девони Вазирон № 667 аз 2 ноябри соли 2021 “Дар бораи чораҳо оид ба фароҳам овардани қулайӣ ҳангоми додани шаҳодатномаи миллии ронандагии намунаи нав ба шаҳрвандони Ҷумҳурии Ӯзбекистон, ки дар Федератсияи Русия қарор доранд” сурат мегирад.

Ба иттилои Сафорати Ӯзбекистон, хоҳишмандон метавонанд ба шӯъбаи консулии сафорат, инчунин ба консулгариҳои генералии шаҳрҳои дар боло зикршуда бо шиносномаи биометрии аслӣ барои сафар ба хориҷа ё шиносномаи биометрии шаҳрванд (ID – картаи идентификатсионӣ), нусхаи аслии шаҳодатномаи ронандагии миллӣ ва талони аслӣ ба шаҳодатномаи ронандагии миллӣ муроҷиат намоянд.

Барои маълумоти иловагӣ Сафорат хоҳиш мекунад, ки ба маркази тамоси шӯъбаи консулӣ бо рақамҳои зерин муроҷиат намоед: +7-499 230-00-76, +7-499 238-36-20,  инчунин саволҳоро ба канали телеграми @UzKoRus FAQ  ирсол намоед.

ТАФСИРИ ХУДРО ГУЗОРЕД: