ҲАЙАТИ ӮЗБЕКИСТОН ДАР НАМОИШГОҲИ «WTE Miami»

Oct 26, 2024
0
0

Ҳадаф тарғиби иқтидори сайёҳии Ӯзбекистон, ҷалби сармоя ва густариши ҳамкориҳои байналмилалӣ дар соҳаи сайёҳӣ мебошад. Ин ҳайат дар ҷараёни намоишгоҳ, ки дар ИМА баргузор гардид, мавзеъҳои гуногуни диққатҷалбкунандаи сайёҳӣ, фарҳангӣ ва анъанаҳои нодири кишварамонро ба намоиш гузошт.

Илова бар ин, дар доираи намоишгоҳ мулоқот бо шарикони хориҷӣ, табодули таҷриба бо туроператорҳои пешрафтаи ҷаҳон дар соҳаи сайёҳӣ низ ба вуқӯъ пайваст. Иштирок дар чунин намоишгоҳи густурда имкон медиҳад, ки Ӯзбекистонро ҳамчун як макони ҷолиб барои саёҳат ва сармоягузорӣ муаррифӣ кунем. Ҳайат инчунин дар мизи мудаввар ва семинарҳо бахшида ба тамоюлҳои муосири сайёҳӣ, ки ба таҳкими мавқеи Ӯзбекистон дар арсаи байналмилалӣ хизмат менамояд, иштирок кард. Раиси Кумитаи сайёҳӣ Умед Шодиев дар ҷаласаи «Нақши туризм дар рушди иқтисоди кишвар» ширкат ва суханронӣ кард. Вакилони соҳа аз мамолики хориҷӣ дар бораи ислоҳоте, ки дар самти туризм амалӣ мегарданд, ташкили минтақаҳои туризм дар деҳоти дурдасти кишвар ва амсоли он маълумот ба даст оварданд. Ҳамзамон дар намоишгоҳ туроператорҳо, намояндагони тарабхонаву меҳмонхонаҳо, ҳунармандони вилоятҳои Тошканд, Самарқанд ва Хоразм маҳсулоти худро ба намоиш гузоштанд. Ба гуфтаи намояндаи намоишгоҳи «WTE Miami», аз ин чорабинӣ намояндагони беш аз 60 кишвари ҷаҳон, инчунин беш аз 120 намояндаи ВАО дидан карданд. М. АҲРОРОВ, мухбири «Овози тоҷик».

Хабарҳои дигар

ЧАҲОР НОМАИ БЕЗАВОЛ

Тақрибан 20 сол қабл аз ин чаҳор номае, ки аз майдони ҳарб дар солҳои 1941-1942 аз номи иштирокчии ҷанг Саидмурод Музаффаров омада буд, ба дасти ман расид.

May 22, 2020

Раиси Сенат дар доираи сафар ба Душанбе бо Раиси Маҷлиси миллии Ҷумҳурии Озарбойҷон мулоқот кард

Раиси Сенати Олий Маҷлис Танзила Норбоева дар доираи сафари худ ба Душанбе бо Раиси Маҷлиси Миллии Ҷумҳурии Озарбойҷон Соҳиба Ғафорова мулоқот анҷом дод.

Oct 15, 2024

ЗИЁӢ, РӮЗНОМАНИГОР ВА ХУДШИНОС

Қариб ҳар рӯз бо устод Юнусзода дидорбинӣ насиб мегардад.

Jul 18, 2023

МАРКАЗИ ҶАВОҲИРОТ КОРИ ХУДРО ШУРӮЪ КАРД

Дар шаҳри Тирмиз маркази ҷавоҳирот кори худро оғоз намуд.

Nov 26, 2019

Дар Ўзбекистон тартиби пешниҳоди хидмати давлатӣ бо баромадан ба маҳал муайян шуд

Бо Қарори Ҳукумати Ҷумҳурии Ӯзбекистон (№ 435 аз 31 августи соли 2023) Регламенти маъмурии пешниҳоди хизматрасониҳои давлатӣ бо роҳи баромадан ба маҳал тасдиқ карда шуд.