Дар “Қасри миллат” дар Душанбе маросими ботантанаи истиқболи расмии Президенти Ҷумҳурии Ӯзбекистон Шавкат Мирзиёев, ки бо сафари давлатӣ дар Тоҷикистон қарор дорад, баргузор гардид.
Ба шарафи меҳмони олӣ қаровули фахрӣ саф орост. Мадҳияҳои давлатии ҳар ду мамлакат садо доданд.
Президентҳо Шавкат Мирзиёев ва Эмомалӣ Раҳмон аз пеши сафи қаровули фахрӣ гузашта, ҳамдигарро бо аъзои ҳайатҳои расмӣ муаррифӣ карданд. Аксгирии якҷоя сурат гирифт.
Дар айни замон гуфтушуниди сарони давлатҳо дар шакли «тет-а-тет» давом дорад.
