Президент Шавкат Мирзиёев аз корхонаи кластери пахтаву нассоҷии «Политекс Сирдарё»-и ноҳияи Сайхунобод дидан кард.
Пештар дар вилояти Сайхунобод ягон объекти саноатӣ набуд, хоҷагии қишлоқ фақат ба пахтакорӣ нигаронида шуда буд. Дар натиҷаи ислоҳоти аграрӣ ва ҷорӣ намудани низоми кластерӣ саноат ба ин ҷо омад. Ҳоло дар ин ҷо ресмон, матоъ, либоси тайёр, равғани растанӣ, собун, хӯрокворӣ ва дигар маҳсулот истеҳсол карда мешавад. Ва ин танҳо аз пахта аст.
Аз ҷумла, корхонаи бофандагии кластери «Политекс Сирдарё» истеҳсоли калобаро ба роҳ монд. Технологияҳои олмонӣ ҷорӣ карда шуда, 700 ҷойи корӣ таъсис дода шуд. Иқтидори солонаи корхона 7 ҳазор тонна ришта буда, дар давраи гузаштаи соли ҷорӣ ба маблағи 2,5 миллион доллар маҳсулот ба Чин, Туркия ва Бангладеш содир шудааст.
Ба таркиби кластер корхонае низ дохил мешавад, ки дар як сол то 30 000 тонна равған истеҳсол мекунад. Дар ин ҷо 100 кас бо кор таъмин карда шудааст.
Сарвари давлат дар корхонаи «Политекс Сирдарё» бо равандҳои технологии истеҳсоли ришта шинос шуда, бо коргарон суҳбат намуд.
Дар ин ҷо маҳсулоти корхонаҳои бофандагии вилояти Сирдарё низ намоиш дода мешавад. Имрӯз дар вилоят 9 кластери пахтаю нассоҷӣ фаъолият нишон медиҳад. Соли ҷорӣ ҷамъоварии 268 ҳазор тонна ашёи хоми пахта дар назар аст, ки ин ҳаҷм дар вилоят пурра коркард мешавад.
Президент инчунин бо намояндагони воситаҳои ахбори оммавӣ суҳбат кард.
— Мақсади асосии мо аз сафари имрӯза ба Сирдарё муайян кардани омилҳои ба минтақае, ки сокинони он пурра бо кор таъмин мебошанд, табдил додани вилоят мебошад, – гуфт Шавкат Мирзиёев. — Омили якум, дар шароити Сирдарё, ин замин аст. Тафаккури соҳибони кластерҳо тағйир меёбад, онҳо барои сифат талош мекунанд, даромадашон меафзояд. Акнун онҳо бояд ба манфиати халқ хидмат кунанд. Ин пеш аз ҳама ба таъсиси ҷойҳои корӣ дахл дорад. Масалан, дар назар дошта шудааст, ки аз ҳисоби ба аҳолӣ барои кишоварзӣ ҷудо кардани замин 100 ҳазор ҷои кор ташкил карда шавад. Сониян, дар ин заминҳо барои рӯёндани ҳар чизе, ки фоиданок бошад, озод хоҳад шуд. Касе, ки бозорро дарк карда, бештар кор кунад, музд мегирад. Боз як ҷанбаи муҳим, агар мо дар вилояти Сирдарё бекориро баҳам дода тавонем, ин барои дигар вилоятҳо намуна хоҳад гардид.
