Президенти Ҷумҳурии Ӯзбекистон Шавкат Мирзиёев сафари худро ба Олмон аз гуфтушунид бо Сарвазири Федералӣ Олаф Шолтс оғоз кард.

Дар ибтидои мулоқот роҳбари давлати мо ба Сарвазири Олмон барои истиқболи гарм самимона сипосгузорӣ намуд.

Таъкид гардид, ки Ӯзбекистон дар симои Олмон шарики муътамад ва стратегии худро мебинад, кишварҳои моро решаҳои амиқи таърихӣ пайванд мекунанд. Солҳои охир муносибатҳои ӯзбекистониву олмонӣ бинобар тамоми самтҳо муттасил инкишоф меёбанд.

Рушди дукаратаи мубодилаи тарафайни мол ва миқдори лоиҳаҳои муштарак бо қаноатмандӣ қайд карда шуд. Ҳаҷми сармояҳои олмонӣ ба иқтисодиёти Ӯзбекистон ба 5,5 миллиард доллар расид, 4 миллиарди он тӯли чанд соли охир ҷалб карда шуд.

Ба анҷумани муштараки тиҷоратӣ, ки бинобар натиҷаи он муоҳидаҳо бобати татбиқ намудани лоиҳаҳои нави тиҷоратӣ, сармоявӣ ва технологӣ дар ҳаҷми 9 миллиард доллар ба имзо расиданд, баҳои баланд дода шуд.

Сухан аз хусуси кооператсия дар соҳаи энергетикаи «сабз», истихроҷ, соҳаҳои кимиё ва доруворӣ, бозсозии инфрасохтори нақлиётӣ, рақамикунонии хоҷагии қишлоқ, сармояҳо ва дигар самтҳои бартаринок меравад.

Ба мақсади дастгирӣ намудани лоиҳаҳои ширкатҳои Олмон дар Ӯзбекистон бинобар шарикии васеъмиқёс бо бонкҳои KfW, Дойче-бонк ва ҷамъияти олмонӣ оид ба ҳамкориҳои байналхалқӣ муоҳидаҳо ба имзо расиданд.

Омода будани Ҳукумати Олмон ба минбаъд дастгирӣ кардани узвияти Ӯзбекистон ба Созмони умумиҷаҳонии савдо ва ҳарчи зудтар имзо гардидани Шартнома оид ба вусъат додани шарикиву ҳамкорӣ бо Иттиҳоди Аврупо изҳор гардид.

Муҳимияти идома додани мулоқоти сиёсӣ таъкид шуд. Ҷонибҳо дар ҷараёни сафар ба имзо расидани Баённомаи байниҳукуматӣ доир ба амиқсозии ҳамкориҳои бисёрҷанбаро дастгирӣ карданд.

Олаф Шолтс сиёсати нави минтақавии Ӯзбекистон бобати дар Осиёи Марказӣ ташаккул додани муҳити дӯстӣ ва эътимоди тарафайн, амиқсозии қаробат дар минтақаро дастгирӣ намуд.

Муоҳида дар бораи созмон додани соҳати мулоқот дар шакли «Олмон – Осиёи Марказӣ» имзо гардид.

Масъалаҳои таъмин сохтани амнияти минтақавӣ, аз ҷумла бо дарназардошти вазъият дар Афғонистон баррасӣ шуданд.

Зарурияти пушбурди лоиҳаҳои инсонпарварона, аз ҷумла аз тариқи имкониятҳои майдони логистикӣ ва Маркази таълимӣ оид ба омӯзиши шаҳрвандони Афғонистон дар шаҳри Тирмиз таъкид гардид.

Ба масъалаҳои рушди нақлиёт ва логистика эътибори махсус дода шуд. Ҷонибҳо бобати инкишоф додани Гузаргоҳи наздикаспӣ, ки имкон медиҳад хатсайри самарабахши иртиботи минтақаҳои Осиёи Марказиро бо Аврупо ташаккул диҳад, ҳамраъӣ зоҳир намуданд.

Рӯзномаи тадбирҳои пурмуҳтавои фарҳангиву инсонпарварона бо қаноатмандӣ зикр шуд. Ҷониби Олмон ба намоишгоҳи нодири мероси фарҳангии Ӯзбекистон, ки алҳол дар шаҳри Берлин кушода шудааст, баҳои баланд дод.

Ҷонибҳо рағбати рӯзафзуни омӯзиши забони олмониро дар Ӯзбекистон дастгирӣ карданд. Бинобар кумакҳои техникии Ҳукумати Олмон барои вусъат додани таълими забони немисӣ дар минтақаҳои мамлакат муоҳида ба даст омад.

Умуман дар доираи сафар 16 ҳуҷҷати байниҳукуматӣ ва байниидоравӣ дар соҳаҳои иқтисодиёт, савдо, молия, таълим, илм ва инноватсияҳо ба имзо расиданд.

Дар поёни мулоқот роҳбари давлати мо Сарвазири Федералии Олмон Олаф Шолтсро даъват намуд, ки ба Ӯзбекистон ташриф оварад.

Сафари Президенти Ҷумҳурии Ӯзбекистон ба Олмон идома дорад.