Президенти Ҷумҳурии Ўзбекистон Шавкат Мирзиёев 13 октябр дар ҳошияи нишасти сарони ИДМ дар Бишкек бо Президенти Белорус Александр Лукашенко мулоқот кард.
Масъалаҳои кунунии рӯзномаи дуҷониба баррасӣ шуданд.
Роҳбарон рушди босуръати муносибатҳои бисёрҷанбаи Ӯзбекистону Белорусро бо қаноатмандӣ қайд карданд. Нишондиҳандаҳои гардиши моли мутақобила афзоиш ёфта, татбиқи лоиҳаҳои кооператсия дар бахшҳои гуногуни иқтисодиёт идома дорад. Дар соҳаи фарҳанг, кинематография ва варзиш чорабиниҳои мунтазами муштарак гузаронда мешаванд.
Сарони давлатҳо ҷиҳати тавсеаи минбаъдаи ҳамкориҳои тиҷоратию иқтисодӣ ва гуманитарӣ, аз ҷумла ташкили ҷаласаи навбатии Комиссияи байниҳукуматӣ, Форуми минтақаҳо ва мулоқоти ректорони донишгоҳҳои бонуфузи Ӯзбекистону Белорус муҳим будани андешидани тадбирҳои ҳамоҳангшударо таъкид карданд. Дар бораи ҳамкориҳо дар доираи ИДМ ва дигар сохторҳои байналмилалӣ табодули афкор сурат гирифт.
Нақшаи чорабиниҳои дар пешистода низ баррасӣ шуд.
