Дар доираи Биенналеи санъати замонавии Венетсия дар павилони миллии Ӯзбекистон маросими ботантана кушода шудани намоишгоҳи «Навбати худро аз даст мадеҳ» баргузор шуд.
Шиори «Бегонагон дар ҳама ҷо» аз ҷониби созмондеҳи биеннале Андреано Педрос эълон карда шуд.
Созмондеҳи муҳтавои павилони мо Маркази санъати замонавӣ дар Тошканд гардид. Лоиҳа аз ҷониби рассоми ӯзбек Азиза Қодирӣ тайёр карда шудааст, барои ташкили намоишгоҳ гурӯҳи «Qizlar Collective»-и рассомони Тошканд бо ӯ ҳамроҳӣ карданд.
Дар намоишгоҳ сӯзаниҳои дастии сӯзанидӯз Мадина Қосимбоева, ки мувофиқи нақшаҳои Азиза Қодирӣ тайёр шудаанд, намоиш дода шуданд.
Муҳтавои лоиҳаи намоишгоҳи «Навбати худро аз даст мадеҳ» бо мавзӯи биеннале бевосита алоқаманд мебошад. Вай муҳити атрофи театрро ба миён меоварад, хонаҳои маданиеро, ки дар оғози асри ХХ дар ҳудуди Авроосиё ҷойгир буданд, таҷассум менамояд.
Вазъи театрӣ ба шарофати ҳайкалчаҳо бинобар нақшаҳо бо сару либоси миллӣ ҷолиб гардида, онро маводи аудиовизуалии гурӯҳи рассомдухтарон пурра менамояд. Лоиҳа эътибори ҳозиронро ба таърихи занон, амалиёти ҷамоавӣ ва муносибатҳои мураккаби байни ҷисмҳои физикӣ ва олами атрофи он ҷалб месозад.
Соли равон намоишгоҳ ба ҳамкории тарафайни технология ва анъанаҳо вобаста карда шудааст. Сӯзаниҳои дастӣ бо кумаки технологияи интеллекти сунъӣ тасаввур карда мешаванд.
Чунин муносибат имкон медиҳад нафақат гулҳои табиии анъанавиро дарк кунем, балки боз тағйироти фарҳангиро дар олами кунунӣ идрок намоем.
Маркази санъати замонавии Тошканд бори аввал ба сифати созмондеҳи намоишгоҳ баромад кард.
Беҳрӯз ХУДОЙБЕРДИЕВ,
хабарнигори ӮзА.
