Президент Шавкат Мирзиёев 16 ноябр ба вилояти Сурхондарё омад. Нуқтаи аввали сафар зиёрати мақбараи олими диншинос Ҳаким ат-Тирмизӣ гардид.
Оятҳо аз Куръон хонда, аз Худованди Мутаъол ба халқи мо сулҳу осоиштагӣ талабида дуо карда шуд.
Дар сӯҳбат бо диндорон бо таассуф зикр гардид, ки имрӯз дар ҷаҳон низоъҳо ва ҷангҳои гуногун идома дошта, хуни мардуми бегуноҳ рехта мешавад. Ин моро водор месозад, ки қадри сулҳу оромии кишварамонро боз ҳам амиқтар дарк намуда, бо ҳисси шукрона зиндагӣ кунем. Муҳим будани ба ҷавонон расондани аҳамияти муҳими сулҳ, мероси илмӣ ва маърифатии чунин гузаштагон ба мисли Тирмизӣ таъкид гардид. Пешниҳод шуд, ки дар Тирмиз оид ба ин масъалаҳо конференсияи илмӣ гузаронда шавад.
