1 декабр дар ҳошияи Конфронси Созмони Милали Муттаҳид оид ба тағйирёбии иқлим дар Дубай Президенти Ҷумҳурии Ўзбекистон Шавкат Мирзиёев бо Шоҳи Малайзия Султон Абдулло Риоятуддин Ал-Мустафо Билоҳ шоҳ мулоқот анҷом дод.
Масъалаҳои рушди минбаъдаи муносибатҳои Ӯзбекистону Малайзия, пеш аз ҳама дар соҳаи иқтисодӣ баррасӣ шуданд.
Вусъат ёфтани робитаҳои дутарафа бо қаноатмандӣ қайд карда шуд.
Ҳаҷми муомилоти моли мутақобила афзоиш ёфта, лоиҳаҳои ҳамкорӣ дар бахшҳои гуногуни иқтисодиёт, инчунин барномаҳо дар соҳаи сайёҳии зиёратӣ амалӣ мегарданд.
Бо мақсади пур кардани рӯзномаи шарикӣ бо мазмуни мушаххаси амалӣ дар бораи баргузории ҷаласаи Комиссияи байниҳукуматӣ ва форуми муштараки соҳибкорон дар соли оянда тавофуқ ҳосил шуд.
