ЗУҲУРОТИ ОЛИИ ИНСОНПАРВАРӢ

Кушодадиливу меҳру мурувват, ки аз қадимулайём қисми ҷудонопазири хислати мардуми мо ба шумор мераванд, ҳоло дар ислоҳоти васеъмиқёсе, ки дар мамлакат татбиқ мешаванд, созандагӣ ва тағйироти куллӣ, ки дар соҳаи маънавият амалӣ мегарданд, акси худро меёбанд.

Мақсади асосии корҳои азим бинобар навсозии симои шаҳру деҳот, сохтмони иншооти замонавии истеҳсолӣ ва иҷтимоӣ ин минбаъд беҳтар кардани некуҳолии халқи мо ва барои мардум фароҳам овардани шароитҳои сазовори зиндагӣ мебошад. 
Ҳангоми ғамхорӣ нисбат ба шаҳрвандоне, ки дар татбиқ сохтани ин дигаргуниҳои куллӣ фаъолона иштирок мекунанд, бо назардошти раванди адолат ва инсонпарварӣ мо ҳақ надорем онҳоеро фаромӯш кунем, ки аз роҳи дурусти зиндагӣ берун баромадаанд, аз хатоҳои содиркардаашон сабақи дуруст набаровардаанд, то ба онҳо барои он ки узви сазовори ҷамъият бошанд, дар рушди Ватани мо саҳми худро гузоранд, боз як бор имконият фароҳам оварем.
Тавре ки маълум аст, ҷинояте, ки аз ҷониби инсон содир шудааст, нафақат ба тақдири ӯ, балки ба ҳаёти фарзандон, падару модар ва қарибонаш низ таъсири нохуб мегузорад. Аз озодӣ маҳрум шудан боиси аз меҳру муруввати волидайн маҳрум мондани кӯдакон мегардад, ба падару модари солхӯрда ғаму ташвиш меоварад.
Омурзиши онҳое, ки қонунро вайрон кардаанд ва аз кирдори худ қатъиян пушаймонанд – зуҳуроти воқеии накӯкорӣ мебошад, вай ба боз ба ҳаёти нав баргаштани як оилаи томе баробар аст, ки шахси азизи худро бо умедҳои бузург интизор мебошад. 
Фармони Президенти Ҷумҳурии Ӯзбекистон Шавкат Мирзиёев дар арафаи Иди шарифи Рамазон «Дар бораи омурзиши гурӯҳи шахсоне, ки муддати ҷазоро гузашта, аз кирдори худ сидқидилона тавба кардаанд ва қатъиян ба роҳи дуруст афтодаанд» тасдиқи амалии сиёсати инсонпарваронаи давлат ва зуҳуроти сифатҳои неки мардуми мо ҳамчун меҳру мурувват гардид. 
Ин ҳуҷҷати инсонпарварона намунаи равшани ғамхории давлат нисбат ба шаҳрвандонаш, новобаста аз он ки онҳо ба чӣ гуна вазъияти мураккаб гирифтор шудаанд, ба шумор меравад, зеро омурзиши шахси ҷиноятсодиркарда ва хатои худро даркнамуда аз ҷумлаи оинҳои асосии дини муқаддаси мост. 
Мувофиқи Фармони Президент 576 нафар шаҳрвандоне, ки муддати ҷазоро дар ҳабсхонаҳо барои содир кардани ҷиноят гузаштаанд ва аз кирдори худ сидқидилона пушаймон шуда, қатъиян ба роҳи дуруст даромадаанд, авф карда шуданд.
Аз ҷумлаи авфшудагон 361 нафар куллан аз ҷазо озод гардида ба оилаҳо, ба назди қарибони худ бармегарданд, ҳамчунин муддати ҷазо нисбати 214 нафар дар намуди аз озодӣ маҳрум кардан кам карда мешавад. 
Дар байни омурзидашудагон синну соли 7 нафар аз 60 болост, 6 нафари онҳо занон ва як нафар шаҳрванди давлати хориҷӣ мебошанд.
Роҳбари давлат таъкид менамояд, ки дар кори саҳвкардагон танҳо бо ҷазо маҳдуд шудан нодуруст аст, ҳамаи мо ба дараҷаи баробар барои аз нав тарбия кардани шахсони ҷиноятсодиркарда дар пояи раванди «Маърифат бар муқобили ҷаҳолат», ҳамчунин барои он ки онҳо бо меҳнати ҳалол тавонанд дар ҷомеаи мо мақоми сазовори худро пайдо кунанд, масъул мебошем.
Ба ин муносибат бо мақсади таъмин сохтани иҷрои фармон ба вазорату идораҳои масъул ва ҳокимиятҳо бобати ба шахсони авфшуда кӯмаки зарурӣ расондан бинобар обсозиши иҷтимоӣ, ҷалби онҳо ба меҳнати фоиданок ва тарзи солими ҳаёт супоришҳо дода шуданд.
 

ТАФСИРИ ХУДРО ГУЗОРЕД: