Дар доираи «Барномаи ӯзбекшиносии Оксфорд» Мактаби тобистона ба кори худ оғоз кард. Он аз 27 август то 23 сентябр дар Донишгоҳи давлатии забон ва адабиёти Тошканд ба номи Алишер Навоӣ баргузор мешавад.
Лоиҳаи мазкур моҳи октябри соли 2025 бо ташаббуси роҳбари Дастгоҳи Президент Саида Мирзиёева оғоз гардида, аз ҷониби Бунёди «Эл-юрт умиди» дар ҳамкорӣ бо Донишгоҳи Оксфорд ва Донишгоҳи давлатии забон ва адабиёти Тошканд ба номи Алишер Навоӣ амалӣ мешавад.
Дар доираи Мактаби тобистона донишҷӯён ва муҳаққиқони Донишгоҳи Оксфорд имконият пайдо мекунанд, ки забонҳои ӯзбекӣ ва чиғатоиро амиқ омӯзанд, инчунин дониши худро оид ба таърих, адабиёт, тасаввуф, ҷадидия, мероси хаттӣ ва фарҳанги миллии Ӯзбекистон такмил диҳанд.
Барномаи таълимӣ шаҳрҳои Тошканд, Самарқанд ва Бухороро фаро гирифта, боздид аз осорхонаҳо, ёдгориҳои таърихӣ, китобхонаҳо ва марказҳои ҳунармандиро низ дар бар мегирад.
Мактаби тобистона марҳилаи муҳими амалии «Барномаи ӯзбекшиносии Оксфорд» ба шумор рафта, ба муаррифӣ ва густариши забон, таърих ва фарҳанги ӯзбек дар арсаи байналмилалии академӣ мусоидат хоҳад кард.
