5 апрел Президенти Ҷумҳурии Ӯзбекистон Шавкат Мирзиёев ва Президенти Ҷумҳурии Қазоқистон Қосим-Ҷомарт Тоқаев дар шаҳри Хива мулоқот анҷом доданд.

Масъалаҳои таҳкими минбаъдаи муносибатҳои шарикии стратегӣ ва иттифоқии Ӯзбекистону Қазоқистон, васеъ гардондани ҳамкории ҳамаҷонибаи амалӣ баррасӣ шуданд.

Ба масъалаҳои тезондани лоиҳаҳои кооператсия, татбиқи созишномаҳои сармоягузорӣ ва қарордодҳои тиҷоратӣ мувофиқи тавофуқоти қаблан дар сатҳи олӣ ҳосилшуда таваҷҷуҳи махсус зоҳир карда шуд.

Сарони давлатҳо ҳисоботи муовинони Сарвазирон, ҳамраисони Гурӯҳи кории назди Комиссияи байнипарлумонӣ оид ба пешбурди лоиҳаҳои муштаракро дар чунин соҳаҳо ба мисли мошинсозӣ, энергетика, нақлиёт ва логистика, саноати маъдани кӯҳӣ, бофандагӣ, хӯрокворӣ ва дигар соҳаҳо шуниданд.

Президентҳо оид ба вусъат додани гардиши мол, ташаккул додани барномаҳои дарозмуҳлати кооператсияи саноатӣ, инчунин татбиқи лоиҳаҳои инфрасохторӣ дар соҳаҳои нақлиёт ва энергетика супоришҳои мушаххас доданд.

Аҳамияти оғоз намудани корҳои амалӣ оид ба таъсиси Маркази байналмилалии кооператсияи саноатӣ дар соли ҷорӣ, густариши фаъолияти ширкати муштараки тиҷорати хориҷӣ қайд карда шуд.

Масъалаҳои рушди робитаҳои башардӯстӣ ва сайёҳӣ, баргузор намудани чорабиниҳои муштарак дар соҳаи фарҳангу таълим ва варзиш бо иштироки ҷавонон муфассал баррасӣ шуданд.

Доир ба масъалаҳои минтақавӣ, аз ҷумла истифодаи оқилонаи захираҳои об, амиқсозии ҳамкорӣ дар доираи Мулоқотҳои машваратии сарони кишварҳои Осиёи Марказӣ, инчунин рушди вазъ дар Афғонистон табодули афкор сурат гирифт.

Ҷадвали чорабиниҳои муштараки дарпешистода дар форматҳои дуҷониба ва бисёрҷониба баррасӣ шуд.

Мулоқот дар вазъияти анъанавии кушод, гарму ҷӯшон ва фазои дӯстона гузашт.