ТАБРИКИ ИДОНА БА ҶАВОНОНИ ӮЗБЕКИСТОН

Ҷавонони азиз!

Аз таҳти дил шумо ва дар шахси шумо тамоми насли ҷавони Ӯзбекистонро бо ҷашни аҷоиб – Рӯзи ҷавонон, ки дар мамлакат васеъ қайд мегардад, табрик менамоям.
Падару модарон, омӯзгорон ва мураббиён, тамоми халқи сермиллатамонро, ки имрӯз ин ҷашнро якҷоя бо шумо пешвоз мегиранд самимона табрик менамоям ва ба ҳамаатон эҳтироми амиқ ва беҳтарин орзуҳоро таманно дорам.
Дар ин рӯзи хушӣ, ба ҷавонони фаъол ва неруманд нигоҳ карда, ки онҳо таҷассумгари ояндаи мамлакат ва ниятҳои некамон мебошанд, мо боз амиқан эҳсос менамоем, ки потенсиали Ватан то чӣ андоза бузург аст.
Беш аз 18 миллион нафар ҷавононе, ки ба фардо азм намудаанд ва ҳоло дар мактаб, коллеҷ, техникум ва муассисаҳои таълими олӣ таҳсил менамоянд, кори хусусии худро мекушоянд ва бо соҳибкорӣ машғуланд, шарафмандона дар Қувваҳои Мусаллаҳ қарзи фарзандии худро адо менамоянд, соҳаҳои калидӣ – истеҳсолот, сохтмон, илм, таълим, тиббиёт, маданият, адабиёт, санъат, варзиш ва ҳамчунин технологияи иттилоотии замонавиро бо боварӣ аз худ менамоянд, боигарии беназир, фонди тиллоии мамлакат ба шумор мераванд.
Мо воқеан бо фарзандонамон мефахрем, ки дар қалбҳояшон мақсадҳои олӣ, ки маънои ҳаёт ва фаъолияташон гаштааст, маъво гирифтааст, – «Ман бунёдкори Ӯзбекистони Нав мегардам!», «Ман ба сохтмони пойгоҳи Эҳёи сеюм саҳми муносиб мегузорам!»
Ҷавонони муҳтарам!
Тавре ки медонед, солҳои охир дар Ӯзбекистон ба вуҷуд овардани шароити ногузир барои таъмини ҳуқуқ ва манфиатҳои насли ҷавон, дарёфти таълими муносиб ва ҷойҳои кор аз ҷониби онҳо, ба кор андохтани истеъдод ва иқтидор сиёсати бартариноки давлатӣ муайян гаштааст ва дар ин самт корҳои бузург ба амал татбиқ мегарданд.
Мисоли равшани он ин мебошад, ки дар муддати кутоҳи гузашта беш аз 100 ҳуҷҷати қонунгузорӣ қабул гардида, муттасил ба амал татбиқ мегардад, ки ба соҳаи мазкур дахл дорад. Ба Конститутсияи таҳрирхурдаамон дохил намудани моддаҳои дақиқ дар бораи ҳуқуқ ва манфиатҳои насли ҷавон, бе шубҳа, барои мустаҳкам намудани пойгоҳи ҳуқуқӣ ва ба дараҷаи нав баровардани кори амалӣ имконоти нав фароҳам меорад.
Бо қаноатмандӣ таъкид кардан мехоҳам, ки ҷавонон дар ҷараёни муҳокимаи васеъ ва қабули Қонуни Асосии мамлакат дар таҳрири нав дар раъйпурсии умумихалқӣ фаъол иштирок намуданд. Ин аз он гувоҳӣ медиҳад, ки ҷавононамон молики ҳисси дахлдорӣ ба тақдир ва ояндаи Ватан буда, ҷараёнҳои ҷамъиятиву сиёсиро бо рӯҳ ва мазмуни нав ғанӣ месозанд.
Дуруст мебуд агар бигӯем, ки чунин фаъолнокии насли наврас – натиҷаи бевоситаи боварии ҷавонон, гуфтугӯйи ҳамешагӣ бо онҳо, дарназардошти фикр ва хоҳиши онҳо, васеъ ҷалб намудан ба татбиқи тамоми барнома ва нақшаҳо мебошад.
Дар давраи гузашта низоми куллан нави вертикали идора дар кор бо ҷавонон ба вуҷуд оварда шуд.
Дар тамоми маҳаллаҳои мамлакат пешвоёни ҷавонон фаъолият доранд, ба ин вазифа ҷавонони ташаббускор, соҳиби истеъдоди ташкилотчигӣ интихоб мегарданд.
Ба туфайли ин низом дар маҳаллаҳо барои ҷавонон беш аз 100 имконот ба вуҷуд оварда шудааст.
Низоми «Дафтари ҷавонон» роҳ андохта шудааст, ки дар доираи он дар ду соли охир қариб 798 ҳазор ҷавонон дар ҳаҷми қариб 1 триллион сӯм кӯмак гирифтанд. Аз он ҷумла барои 53 ҳазор нафар донишҷӯён аз оилаҳои эҳтиёҷманд дар асоси пардохту қарордод ҳаққи таҳсилашон пардохта шуд.
Миқдори муассисаҳои таълими олӣ дар мамлакат қариб се баробар афзуда, ба 210-то расид, фарогирӣ бошад аз 9 то 38 фоиз расид, ки дар назди ҷавонон имконоти васеъро барои касби дониш ва касбҳои замонавӣ фароҳам меорад.
Танҳо дар се соли охир барои 250 ҳазор нафар ҷавонон беш аз 6 триллион сӯм кредити имтиёзнок ҷудо карда шуд. Дар мамлакат 210 минтақаи саноатӣ ва соҳибкории ҷавонон ба вуҷуд оварда шуда, 2,5 ҳазор лоиҳа ба қиммати 4 триллион сӯм ба амал татбиқ гардид. Дар натиҷа сафи ҷавонони соҳибкор ду баробар афзуда, аз 200 ҳазор зиёд гардид.
Мо чунин корҳои некро муттасил идома медиҳем, ки на танҳо ҳаёти ҷавонон, балки тамоми ҷамъиятро куллан тағйир медиҳад. Боз бештар имконот ва шароитро барои дастгирии ҳамаҷонибаи ҷавонон, инкишоф ва татбиқи потенсиали шумо, фарзандони азизи ман, васеъ мегардонем.
Ҷавонони азиз!
Ҳамаи моро, бе шубҳа хушҳол месозад, ки ҷавонони мамлакат имконоти фароҳамовардаро босамар истифода менамояд ва бо дастовардҳои худ дар соҳаҳои гуногун илҳом мебахшанд.
Дар олимпиадаҳои байналхалқии фаннӣ соли гузашта хонандагони Ӯзбекистон соҳиби 7 медали тилло, 36 медали нуқра ва 38 медали биринҷӣ гардиданд.
Соли ҷорӣ варзишгарони ҷавонамон дар мусобиқоти байналхалқӣ соҳиби 247 медали тилло, 119 медали нуқра ва 110 медали биринҷӣ гардиданд.
758 нафар ҷавонон, ки ба шукуфоии Ватан саҳми муносиб гузоштаанд, дар солҳои охир соҳиби мукофотҳои давлатӣ гардиданд.
Албатта мо корҳои оғознамударо, ки барои ба ҳаёт татбиқ намудани орзу ва ниятҳо, ғояҳо ва ташаббусҳои истиқболноки ҷавонон нигаронда шудааст, ба дараҷаи нав, боз ҳам баланд мебардорем.
Боварӣ дорам, ки ҷавонони ватанпарварамон, ки касби дониш ва пеша намудаанд, ба рақобати сахт дар замони мураккаб омода аст ва қодир мебошад, ки қуллаҳои баландро фатҳ намоянд.
Бори дигар аз таҳти дил шумо, азизони манро, бо ҷашни имрӯзаи ҷавонӣ, бахт ва зебоӣ табрик менамоям, барои ҳамаатон саломатӣ ва муваффақиятҳои бузург мехоҳам.
Ҳеҷ гоҳ фаромӯш накунед, ки: ғалаба ва бахт ба кӯшишкунадагон муяссар мегардад!
Муваффақияти шумо – ин дастоварди тамоми халқ.
Шумо умед ва такягоҳ, қувва ва илҳоми мо ҳастед.
Ҳамеша дар назди худ мақсадҳои олӣ гузоред!
Ӯзбекситони Навро мо якҷоя бо шумо, якҷоя бо ҳамаи ҷавононамон месозем.
Идатон муборак, азизони ман!