Президенти Ҷумҳурии Ўзбекистон Шавкат Мирзиёев бо Президенти Туркманистон Сердар Бердимуҳамедов, ки барои ширкат дар нишасти Созмони ҳамкории иқтисодӣ ба шаҳри Тошканд омадааст, мулоқот анҷом дод.
Дар оғози суҳбат Президенти Туркманистон салому орзуҳои неки Пешвои миллии мардуми туркман, Раиси Халқ Маслаҳатии Туркманистон Гурбангулӣ Бердимуҳамедовро расонд.
Масъалаҳои кунунии рӯзномаи дуҷониба дар заминаи татбиқи созишномаҳо дар сатҳи олӣ муфассал баррасӣ шуданд.
Ҷонибҳо бо камоли қаноатмандӣ рушди пайваста ва таҳкими ҳамкории бисёрҷонибаи Ӯзбекистону Туркманистон ва шарикии стратегиро қайд намуданд.
Ҳамкории амалӣ дар соҳаҳои тиҷорат, саноат, энергетика, хоҷагии об, нақлиёт ва дигар соҳаҳои афзалиятнок густариш меёбанд.
Мубодилаи байниминтақавӣ ва фарҳангию гуманитарӣ фаъолона сурат мегирад. Моҳи октябри соли ҷорӣ дар Ӯзбекистон Рӯзҳои маданияти Туркманистон бомуваффақият гузаронда шуданд.
Сарони ду кишвар рӯзномаи минтақавӣ ва масъалаҳои ҳамкорӣ дар чаҳорчӯби сохторҳои бисёрҷонибаро баррасӣ карданд.
