Бинобар натиҷаҳои музокироти Президенти Ӯзбекистон Шавкат Мирзиёев ва Амири Қатар Шайх Тамим бин Ҳамад Ол Сонӣ маросими имзои санадҳои дуҷониба баргузор шуд.

Аз ҷумла, ҳуҷҷатҳои зерин ба имзо расиданд, ки самтҳои гуногуни ҳамкориро дар бар мегиранд:

– Созишнома байни Ҳукумати Ҷумҳурии Ӯзбекистон ва Ҳукумати Давлати Қатар дар бораи ҳамкорӣ дар соҳаи сайёҳӣ ва чорабиниҳои соҳибкорӣ;

– Меморандуми ҳамкорӣ байни Агентии миллии ҳифзи иҷтимоии назди Президенти Ҷумҳурии Ӯзбекистон ва Вазорати рушди иҷтимоӣ ва оилаи Давлати Қатар;

– Ёддошти тафоҳум байни Вазорати корҳои дохилии Ҷумҳурии Ӯзбекистон ва Вазорати корҳои дохилии Давлати Қатар;
 – Ёддошти тафоҳум байни Фонди таҷдид ва рушди Ҷумҳурии Ӯзбекистон ва Агентии сармоягузории Давлати Қатар оид ба ҳамкориҳои сармоягузорӣ;

– Ёддошти тафоҳум байни Агентии мубориза бо коррупсияи Ҷумҳурии Ӯзбекистон ва Идораи назорати маъмурӣ ва шаффофияти Давлати Қатар.

Илова бар ин, дар рафти сафар созишномаҳои зерин имзо шуданд:

– Ёддошти тафоҳум байни Кумитаи оид ба корҳои дини Ҷумҳурии Ӯзбекистон ва Маркази байналмилалии Доҳа оид ба муколамаи байни динҳо;

– Ёддошти тафоҳум байни Маркази миллии Ҷумҳурии Ӯзбекистон оид ба ҳуқуқи инсон ва Кумитаи миллии ҳуқуқи инсон дар Давлати Қатар;

– Созишнома дар бораи таъсиси Шӯрои муштараки соҳибкорон байни Палатаи савдо ва саноати Ҷумҳурии Ӯзбекистон ва Палатаи савдо ва саноати Давлати Қатар;

– Ёддошти тафоҳум байни Палатаи савдо ва саноати Ҷумҳурии Ӯзбекистон ва Палатаи савдо ва саноати Давлати Қатар.