Дар поёни музокироти сатҳи олӣ маросими имзои санадҳои дуҷониба баргузор шуд.
Президенти Ҷумҳурии Ӯзбекистон Шавкат Мирзиёев ва Президенти Ҷумҳурии Исломии Эрон Иброҳим Раисӣ Изҳороти муштарак оид ба таҳкими ҳамкориҳои ду кишварро имзо карданд.
Ба ғайр аз ин, дар чаҳорчӯби сафар дар сатҳи ҳукумат, идора ва минтақаҳо 15 ҳуҷҷат қабул шуданд.
Созишномаи байни ҳукуматҳо дар бораи тиҷорати имтиёзнок, Барномаи ҳамкорӣ байни Оҷонсии танзими техникии Ӯзбекистон ва Созмони миллии стандартии Эрон, Нақшаи амалиёт оид ба ҳамкорӣ дар соҳаи технология ва инноватсия аз ҷумлаи онҳост.
Меморандумҳои ҳамкорӣ дар соҳаи ташкили минтақаҳои муштараки озоди иқтисодӣ, дорусозӣ, нақлиёт ва транзит қабул шуданд.
Ҳамчунин Нақшаи чорабиниҳои муштарак дар соҳаи варзиш, Ёддошти тафоҳум дар соҳаи ҳалли баҳсҳо ва арбитраж, Созишномаи факултативӣ оид ба ҳамкорӣ дар соҳаи азнавсуғуртакунӣ ва дигар ҳуҷҷатҳо ба имзо расиданд.
