Президенти Ҷумҳурии Ўзбекистон Шавкат Мирзиёев бо ҳамсараш 3 октябр бо боздиди расмӣ ба Будапешт омад.
Дар фурудгоҳи байналмилалии ба номи Ференс Лист ба истиқболи сарвари давлатамон парчамҳои давлатии Ӯзбекистон ва Венгрия барафрохта шуда, қаровули фахрӣ саф орост.
Роҳбари мамлакатамонро вазири рушди иқтисодии Венгрия Мартон Над ва дигар шахсони расмӣ пешвоз гирифтанд.
Чорабиниҳои асосии ин ҳамоиш фардо, 4 октябр баргузор мешаванд. Бо Президенти Венгрия Каталина Новак мулоқот баргузор мешавад. Сипас Президент Шавкат Мирзиёев ва Сарвазир Виктор Орбан дар доираи маҳдуд ва васеъ музокирот анҷом медиҳанд. Бинобар ҷамъбаст ба имзо расондани бастаи устувори ҳуҷҷатҳои дуҷониба дар назар аст. Дар барномаи сафари сарвари давлатамон ҳамчунин доир намудани суҳбати «мизи мудаввар» бо роҳбарони ширкатҳо ва сохторҳои бонуфузи молиявии Венгрия пешбинӣ шудааст.
