Хонуми аввалини Ӯзбекистон Зироат Мирзиёева дар нишасти “Якҷоя барои сулҳ дар Фаластин” дар Истанбул суханронӣ карда, ба тамоми хонавода ва наздикони қурбониёни даргириҳои мусаллаҳона изҳори тасаллият ва ҳамдардӣ баён кард.
Зироат Мирзиёева қайд кард, ки воқеаҳои мудҳиш дар Ғаззаро, ки беш аз як моҳ боз идома дорад ва боиси талафоти ҳазорон, махсусан кӯдакону занон ва пиронсолон гардид, ба ҳеҷ ваҷҳ дуруст шумурдан мумкин нест.
«Мутаассифона, сарфи назар аз нигаронӣ ва фишорҳои амиқ аз ҷониби ҷомеаи ҷаҳонӣ, фоҷиа ва харобкорӣ дар миқёси бесобиқа ба мушоҳида мерасад ва интиҳо надорад. Дар натиҷа эҳтимоли ҷалби қувваҳои нав дар минтақа ба зиддиятҳои мусаллаҳона пурзӯр мегардад, - қайд намуд Хонуми аввалини Ӯзбекистон.
