Хидмати пардохти QIWI эълон кард, ки аз бозори Ӯзбекистон хориҷ мешавад. Дар ин бора дар сайти ширкат хабар дода мешавад.
Дар паём гуфта мешавад, ки аз 18 декабр замимаи QIWI Uzbekistan корашро қатъ мекунад. Ширкат ба корбаронаш тавсия додааст, ки маблағҳои худро ба кортҳои бонкӣ бигиранд.
Дар ҳамин ҳол QIWI қайд мекунад, ки аз 16 ноябр ин хидмат барои нигоҳ доштани пул дар баланс ҳар рӯз ба маблағи 75 ҳазор сӯм комиссия меситонад, зеро ширкат наметавонад пули муштариёнро нигоҳ дорад.
Тибқи иттилои QIWI, пас аз 18 декабр муштариён метавонанд танҳо дар сурати дархост аз ҳамёни худ маблағ бигиранд. Ширкат таъкид кардааст, ки интиқоли маблағ аз ҳамёни маҳаллӣ ба ҳамёни хориҷӣ ғайриимкон аст.
Хидмати пардохти QIWI қайд мекунад, ки ин тасмим ба далели маҳдудиятҳо дар интиқоли байналмилалӣ ва пардохтҳо аз ҷониби Бонки марказии Ӯзбекистон барои хидматҳои пардохтӣ дар моҳи сентябр гирифта шудааст.
«Айни замон дар Ӯзбекистон ҳамён функсияҳои маҳдуд дорад - танҳо пардохтҳо барои хидматҳои маҳаллӣ ва интиқол ба кортҳои бонкҳои маҳаллӣ мавҷуданд. Дар баробари ин, қариб 90% корбарон ҳамёни моро махсус барои пардохти хидматҳои хориҷӣ ва интиқоли байналмилалӣ истифода кардаанд. Ин имконот дар айни замон бинобар маҳдудиятҳое, ки Бонки марказии Ҷумҳурии Ӯзбекистон барои тамоми низоми пардохтӣ гузоштааст, дастрас нестанд, таъкид меёбад дар хабари QIWI.
