14 июни соли 2023 дар ҷаласаи Комиссияи марказии интихоботӣ, ки ба интихоботи пеш аз муҳлати Президенти Ҷумҳурии Ӯзбекистон бахшида шудааст, масъалаҳои таъмини ҳуқуқи интихоботии шахсони имконияташон маҳдуд, вазъи баррасии аризаҳо, ки ба Комиссияи марказии интихоботӣ дар давраи омодагӣ ба интихобот расидаанд, аккредитатсияи нозирони байналмилалие, ки дар интихоботи президентӣ иштирок мекунанд ва намояндагони воситаҳои ахбори омма баррасӣ шуданд.
Дар ҷаласа намояндагони ваколатдори ҳизбҳои сиёсӣ ва намояндагони нозирони созмонҳои ғайридавлатию ғайритиҷоратӣ ширкат доштанд.
Дар ҷаласа бо мақсади таъмини ҳуқуқи интихоботии маъюбон намунаи трафарет дар асоси алифбои Брайл барои пур кардани бюллетени овоздиҳӣ дар интихоботи Президенти Ҷумҳурии Ӯзбекистон тасдиқ гардид, инчунин тадбирҳо оиди бо ин трафарет таъмин намудани ҳар як қитъаи интихоботӣ ва дигар тадбирҳои амалӣ гардондани ҳуқуқҳои интихоботии ногироҳо муайян шуданд.
Тибқи рӯзномаи ҷаласа муроҷиатҳои рӯзҳои 6-13 июни соли равон ба Комиссияи марказии интихобот аз шахсони воқеӣ ва ҳуқуқӣ расида баррасӣ гардида, қарори дахлдор қабул карда шуд.
Дар мулоқот ҳамчунин масъалаҳои аккредитатсияи нозирони байналмилалӣ ва намояндагони ВАО баррасӣ шуданд. Тибқи пешниҳоди Вазорати корҳои хориҷӣ, аккредитатсияи намояндаи миссияи нозирони интихоботии САҲА/ДИДҲБ гузаронида шуд. Ҳамчунин 159 намояндаи расонаҳои маҳаллӣ ва 42 намояндаи расонаҳои хориҷӣ аккредитатсия шудаанд. Шумораи умумии намояндагони васоити ахбори оммаи дохилию хориҷӣ ба 554 нафар расид.
Хидмати матбуоти Комиссияи марказии интихобот.
