Дар Бюрои миллии марказии Интерпол дар Ҷумҳурии Ӯзбекистон Сарраёсати пешгирии ҷинояткории Вазорати корҳои дохилии кишвар таҳти шиори «Хонаву фарзанди худро ҳифз намо» бахшида ба ташкили чорабиниҳо оид ба пешгирии ҳуқуқвайронкунӣ ва ҷиноятҳо дар байни ҷавонон нишасти матбуотӣ баргузор намуд.
Дар чорабинӣ муовини Вазири корҳои дохилӣ, генерал-майор Азизбек Икромов оид ба корҳое, ки мақомоти корҳои дохилӣ оид ба пешгирии ҷинояткорӣ амалӣ менамоянд, маълумоти муфассал дод.
Солҳои охир дар кишвар ба сулҳ ва оромӣ, пешгирии ҷинояткорӣ ва амнияти ҷамъиятӣ таваҷҷуҳи махсус дода мешавад. Дар минтақаҳо бо назардошти принсипи «Ҳа-қиқат ва адолат дар мубориза бар зидди ҷинояткорӣ» бо мақсади барвақт пешгирӣ намудани ҷиноят низоми нав таъсис дода шудааст. Мувофиқи Қонуни Ҷумҳурии Ӯзбекистон «Дар бораи сиёсати давлатии ҷавонон» ба зиммаи мақомоти корҳои дохилӣ як қатор вазифаҳо гузошта шуданд. Аз ҷумла, оид ба иштироки онҳо дар чорабиниҳо бобати баланд бардоштани маърифати ҳуқуқӣ ва маданияти ҷавонон, пешгирии ҷинояткорӣ, офиятбахшии иҷтимоӣ ва мутобиқшавии иҷтимоии шаҳрвандони ҷавон тадбирҳо андешида мешаванд.
Барои иҷрои ин вазифаҳо дар давраи гузашта дар шуъбаҳои корҳои дохилии ҳар як ноҳия ва шаҳри ҷумҳурӣ 201 вазифаи муовини сардор оид ба корҳои ҷавонон таъсис дода шудааст. Аз ҷониби шахсони масъули низом чораҳои ҳуқуқӣ, ташкилӣ ва иҷтимоию иқтисодӣ муайян шуданд, ки ба кушодани потенсиали ҷавонон равона шудаанд, аз он ҷумла меморандумҳо, қарорҳои муштарак қабул шуданд ва бо Иттифоқи ҷавонони Ӯзбекистон чорабиниҳои мақсаднок гузаронида шуданд.
Вазифаҳо оид ба панҷ ташаббуси муҳими Президент, яъне ҷалби ҷавонон ба фарҳанг ва санъат, тарбияи ҷисмонӣ ва варзиш, баланд бардоштани саводнокии компутерӣ дар байни онҳо, рушди маънавият, тарғиби китобхонӣ ва таъмини шуғли занон мунтазам амалӣ мешаванд.
Дар асоси кафолати Иттифоқи ҷавонон, нисбати 620 нафар ҷавононе, ки ҷиноят содир намудаанд, ҷазои сабуктар, ки бо маҳрумият аз озодӣ алоқаманд намебошанд, таъин карда шуда, 580 нафари онҳо бо кор таъмин шуданд. 88 ҳазору 343 ҷавон ба ҳисоби профилактика гирифта шуданд. Дар натиҷаи корҳои инфиродӣ-профилактикӣ 42 ҳазору 771 нафари онҳо ба ҳаёти муқаррарӣ баргаштанд.
Ба туфайли чораҳои андешидашуда фазои тамаъҷӯӣ нисбати ҷинояткорӣ дар байни ҷавонон ташаккул ёфт. Дар соли 2019 нисбат ба соли 2018 то 2,883 кам шудани шумораи ҷиноятҳои дар байни онҳо содиршуда мисоли равшани ин аст.
Дар чорабинӣ инчунин дар бораи корҳое, ки вазорати амнияти мамлакат муайян менамояд, сухан рафт. Соли равон бо мақсади ҳифзи ҷавонон аз омилҳои гуногуни манфӣ, огоҳкунии бармаҳал дар бораи ҷинояту ҳуқуқвайронкунӣ таҳти шиори «Хонаву фарзанди худро ҳифз намо” чораҳои пешгирикунанда баргузор мешаванд. Ба ҷавонон далели муҳофизати Ватан вазифаи шарафнок ва муқаддас будан ба таври васеъ шарҳ дода мешавад.
Бо муносибати холисона ба равандҳои иҷтимоию сиёсӣ, ки дар ҷаҳон рух медиҳанд, ба ташаккул додани иммунитети ҷавонон ба таҳдидҳои гуногуни дохилӣ ва хориҷӣ диққати махсус дода мешавад. Экскурсияҳо ба мактабҳои “Темурбекҳо”, мактабҳои олии ҳарбӣ, гурӯҳҳои махсуси коллеҷҳои касбӣ ва литсейҳои академӣ ва қисмҳои ҳарбӣ ташкил карда мешаванд.
Абдулазиз МӮСОЕВ,
хабарнигори ӮзА.
