Дар маҷлиси навбатии Палатаи қонунгузории Олий Маҷлис лоиҳаи қонун «Дар бораи дохил кардани тағйироту иловаҳо ба ҳуҷҷатҳои қонуни Ҷумҳурии Ӯзбекистон ба муносибати бо таҳрири нав қабул кардани Конститутсияи Ҷумҳурии Ӯзбекистон, ки ба такмил додани фаъолияти Олий Маҷлиси Ҷумҳурии Ӯзбекистон нигаронида шудааст (он дар асоси ташаббуси қонунгузори ҳуқуқии гурӯҳи депутатҳо кор карда шудааст)», дар хониши дуюм модда ба модда таҷдиди назар карда шуд.
– Тибқи лоиҳаи қонуни мазкур ворид гардидани тағйироту иловаҳое дар назар аст, ки ба такмил додани асосҳои ҳуқуқии назорати парлумонӣ ва баъзе ҳуҷҷатҳои қонуни Ҷумҳурии Ӯзбекистон ба ваколатҳои мутлақе, ки Палатаи қонунгузории Олий Маҷлис ва Сенат дар таҳрири нави Конститутсия пешбинӣ кардаанд ва ҷорӣ кардани тартиби қабули қонунҳои нав нигаронда шудаанд, – гуфт депутат Шербек Бӯронов. – Хусусан, шаҳрвандоне, ки аз 100 нафар кам нестанд, ҳақ доранд, ки пешниҳодҳои қонунгузории Сенат, Омбудсман ва Комиссияи марказии интихоботро ба Палатаи қонунгузорӣ ворид намоянд.
Ба ғайр аз ин, лоиҳаи қонун ваколатҳои роҳбари фраксияро дар Палатаи қонунгузорӣ дар моддаи алоҳида дақиқ муайян намудааст.
Дар назар аст, ки санҷиши парлумонӣ, ки аз байни депутатҳои Палатаи қонунгузорӣ ва аъзои Сенат дар асоси баробарӣ созмон дода шудааст, якҷоя аз ҷониби комиссияи махсус гузаронида мешавад. Ба кумитаҳои Палатаи қонунгузорӣ ҳуқуқ дода шуда истодааст, ки барои шунидани ҳисоботи аъзои ҳукумат ва ахбори роҳбарони мақомоти давлатӣ ташаббус нишон диҳанд.
Маълум, ки ба мақсади такмил додани лоиҳаи қонун, он ба муҳокимаи аҳли ҷомеа гузошта шуда буд.
Дар ин ҷараён қариб 400 пешниҳоду мулоҳизаҳои бамиёнгузошташуда ҳамаҷониба таҳлил карда шуданд. Ҳамчунин, пешниҳоди ходимони илмӣ ва экспертҳо дар лоиҳаи қонун инъикос ёфт, дар ҷараёни хониши дуюм ба беш аз 40 модда тағйироту иловаҳо дохил карда шуд.
Дар ҷараёни муҳокимаи моддаи лоиҳаи қонун депутатҳо, дар баробари савол додан, пешниҳодҳои худро ба миён гузоштанд. Баъди муҳокимаи шадид лоиҳаи қонун аз ҷониби депутатҳо қабул карда шуд.
Муҳтарама КОМИЛОВА,
мухбири ӮзА.
