Конфронси байналмилалии дарпешистодаи сатҳи баланди «Осиёи Марказӣ ва Ҷанубӣ: пайвасти минтақавӣ.

Конфронси байналмилалии дарпешистодаи сатҳи баланди «Осиёи Марказӣ ва Ҷанубӣ: пайвасти минтақавӣ. Даъватҳо ва имкониятҳо”, ки 15-16 июл дар Тошканд баргузор мешавад, мавриди таваҷҷӯҳи зиёди доираҳои коршиносон ва таҳлилии кишварҳои хориҷӣ мегардад. Ба гуфтаи аксари таҳлилгарон, чорабинии мазкур хеле муҳим аст. Ҳамзамон, он рушди босуръати Ӯзбекистон ва сиёсати кушоди хориҷии онро инъикос мекунад.
АИ «Дунё» нуқтаи назари як қатор коршиносони байналмилалиро ифода менамояд, ки баъзеи онҳо дар конфронс ширкат хоҳанд кард. 
Президенти Алянси бузурги Парижи сармоягузории устувор (Фаронса) Николя БУШУ:
– Ин конфронс дар рӯзҳои барои ҳамаи мо бо сабаби пандемияи COVID-19 вазнин баргузор мешавад, аммо он ба таҳкими робитаҳои наздик ва дӯстона, ҳамсоягии неки Осиёи Марказӣ ва Ҷанубӣ ба манфиати халқҳо ва кишварҳои минтақаҳои қайдшуда нигаронда шудааст. Ба андешаи ман, чунин наздикшавӣ дар барқарорсозии иқтисод пас аз бӯҳроне, ки дар натиҷаи пандемия рух додааст, нақши калидӣ хоҳад дошт.
Боварӣ дорам, ки дар асри XXI эҳёи муносибатҳо бо Осиёи Ҷанубӣ ва масирҳои таърихии Роҳи абрешим барои рушди Осиёи Марказӣ иқтидори назарраси иқтисодӣ ва инсонӣ дорад. Аз ҷумла, иқтисоди креативӣ метавонад тавассути тавсеаи ҳамкориҳои иқтисодии байни кишварҳои Осиёи Марказӣ ва Ҷанубӣ дар дастгирии ҳифзи мерос ва рушди инсон вусъат ёбад. Лоиҳаҳо, ба монанди ташкили минтақаи савдои озоди умумӣ ё барномаи муштараки рушди робитаҳои байниҳамдигарӣ байни ду минтақа барои рушди ҳамкорӣ ҷиҳати гузаштан ба шаҳрҳои экологиву оқил, ки ояндаи устувор ва шукуфони Осиёи Марказиро таъмин карда метавонанд, мусоидат мекунанд.
Ба андешаи ман, сармоягузорӣ ба инфрасохтор мавзӯи асосии ин чорабинӣ мебошад ва онҳо, бешубҳа, ба татбиқи ислоҳоти сохтории иқтисодӣ барои рушди ояндаи Осиёи Марказӣ мусоидат хоҳанд кард. Бинобар маълумоти ББА, ММД минтақа аз таъсири оқибатҳои бӯҳрони COVID-19 дар соли 2020 нисбатан камтар зарар дидааст. Бо вуҷуди ин, ҷалби сармояи дарозмуддат барои дастгирии афзоиши инклюзивии рушди меҳнатталаб ва пурзӯр гардондани эътирофи Осиёи Марказӣ дар рақобати ояндаи ҷаҳонӣ аҳамияти ҳалкунанда дорад. Аз ин рӯ, бо Осиёи Ҷанубӣ рушди робитаҳо ниҳоят муҳим аст. 
Сармоягузорӣ ба инфрасохтор инчунин ҳамчун заминаи иқтисодиёти нави устувор барои ҳалли мушкилоти экологӣ, ба монанди гармии глобалӣ, хушксолӣ, биёбоншавӣ ва таназзули замин хизмат мекунад. Инро моҳи майи соли 2021 қабули қатъномаи Ассамблеяи Генералии СММ, ки минтақаи Аралро ҳамчун минтақаи инноватсияҳо ва технологияҳои экологӣ эътироф намудааст, нишон дод. 
Директори Институти тадқиқоти стратегӣ ва байналмилалӣ (Малайзия), иштирокчии конфронс Ҳеризал ХАЗРӣ:
– Ман ташаббуси хеле саривақтии ҷониби Ӯзбекистонро дар бораи баргузории ин конфронс бо таҳияи амалии қарорҳои зарурӣ барои ду минтақаи аз ҷиҳати стратегӣ муҳим дастгирӣ мекунам. 
Мехостам қайд намоям, ки ташкили ин чорабинӣ хеле саривақтӣ буда, мавзӯъ муҳим ва рӯзмарра аст, хусусан вақте ки сухан дар бораи алоқамандии минтақавии Осиёи Марказӣ ва Ҷанубӣ ва чӣ гуна ҳал намудани вазифа ва мушкилоте, ки дар назди кишварҳои минтақа барои якҷоя бунёд намудани ояндаи дурахшон қарор доранд, меравад.
Боварӣ дорам, ки натиҷаҳои форум ба мубодилаи ҳамаҷонибаи афкор ва  муштарак офаридани механизмҳои вусъати робитаҳои тиҷоративу иқтисодӣ, сармоягузорӣ ва фарҳангию гуманитарӣ, инчунин дар маҷмӯъ, таҳкими минбаъдаи муносибатҳои наздики таърихӣ ва дӯстонаи эътимод ва ҳамсоягии нек байни давлатҳои Осиёи Марказӣ ва Ҷанубӣ мусоидат хоҳад кард.
Роҳбари клуби сиёсатшиносони «Кавкази Ҷанубӣ» (Озарбойҷон) Илгар ВЕЛИЗАДЕ: 
— Конфронси байналмилалии сатҳи баланди «Осиёи Марказӣ ва Ҷа-нубӣ: алоқамандии минтақавӣ.  Таҳдидҳо ва имкониятҳо» яке аз рӯйдодҳои марказии сиёсии соли 2021, на танҳо дар минтақаи Осиёи Марказӣ, балки дар ҷуғрофияи хеле васеътар мебошад. Дар доираи таҳияи стратегияҳои баромадан аз низоми карантинии аксари кишварҳо, ин конфронс метавонад қутбнамои воқеӣ гардад, ки намояндагони ҷомеаи сиёсӣ ва коршиносони қариб 40 кишвари дунёро барои қабули қарорҳои муассир оид ба таъмини рушди устувор дар оянда ҳидоят мекунанд.
Ҷолиби диққат аст, ки яке аз мавзӯъҳои дар конфронс баррасишаванда рушди робитаҳои фаъоли нақлиётӣ байни кишварҳои ширкаткунанда ва таҳкими ҳамкории давлатҳои гуногун дар соҳаи амният хоҳад буд. Ин махсусан дар партави вазъ дар Афғонистон муҳим аст. Аз ин рӯ, ҷустуҷӯи посух ба саволҳо дар бораи самаранок мубориза бурдан бо таҳдидҳо ва чолишҳои минтақавӣ вазифаи муҳимтарин ва амалии конфронс мебошад. Ман комилан эътироф мекунам, ки дар шароити кунунӣ дар конфронс ташаббусҳо ва пешниҳодҳои муҳиме, ки ба нигоҳ доштани устувории низоми муносибатҳои байналмилалӣ нигаронида шудаанд, садо медиҳанд. 
Роҳбарияти Ӯзбекистон ҳамчун ташаббускори ин конфронс амал намуда, сиёсати дӯстӣ ва ҳамсоягии некро дар минтақа татбиқ мекунад, ки ба ташаккули воқеияти нави геополитикӣ дар заминаи устувор мусоидат менамояд. 

АИ «Дунё».