Олимони амрикоӣ платири инноватсиониро кашф карданд, ки метавонад ба одамони беовоз ёрӣ мерасонад, ки дубора гап зананд.
Дастгоҳ бо истифода аз зеҳни сунъӣ ҳаракатҳои мушакҳои гулӯро сабт мекунад ва онҳоро ба сухан табдил медиҳад.
Ба пӯст пластири хурди эластикӣ часпонида мешавад. Он обногузар ва миниётурӣ (ҳаҷми танга) буда, вазни он аз ҳафт грамм зиёд нест, хабар медиҳад mir24.tv.
Пластир ҳаракатҳои мушакҳои ҳалқумро ба сигналҳои электрикӣ табдил медиҳад, ки баъдан тавассути алгоритми омӯзиши мошин ба сухан тарҷума карда мешаванд. Он ҳатто агар дар бемор узвҳои овозӣ шикаст хӯрда бошад ҳам, самаранок кор мекунад.
Дастаи Донишгоҳи Калифорния дар Лос-Анҷелес пластирро дар ҳашт ихтиёрӣ озмоиш кард. Аз онҳо хоҳиш карда шуд, ки якчанд ибораро бигӯянд. Дар баробари ин, онҳо на танҳо истода, балки роҳ рафта ва давида, қобилияти кор кардани дастгоҳро ҳангоми ҳаракат нишон медоданд.
Пластир тавонист дар 95 фоизи ҳолат ибораҳоро дуруст ҳисоб кунад. Олимон қайд карданд, ки ҳоло он танҳо ҷумлаҳои қаблан сабтшударо такрор мекунад. Аммо дар оянда алгоритмҳои мукаммалтар ба дастгоҳ дар шинохтани ҳама гуна ҳаракатҳои мушакҳои ҳалқ кумак хоҳанд кард.
