30 август Президенти Ҷумҳурии Ўзбекистон Шавкат Мирзиёев бо Президенти Ҷумҳурии Белорус Александр Лукашенко мулоқоти телефонӣ анҷом дод.
Дар оғози суҳбат роҳбари Беларус роҳбари ва мардуми сермиллати кишварамонро ба муносибати Рӯзи истиқлолияти дарпешистода самимона табрик гуфта, ба Ӯзбекистон сулҳу субот, рушди устувор ва шукуфоӣ таманно намуд.
Дар навбати худ Президенти Ӯзбекистон Президенти Белорусро ба муносибати зодрӯзаш самимона табрик гуфта, ба ӯ саломатии бардавом, шукуфоӣ ва муваффақиятҳои бузург таманно кард.
Масъалаҳои густариши минбаъдаи ҳамкориҳои мутақобилан судманд ва пешбурди лоиҳаҳои ҳамкории амалӣ мавриди баррасӣ қарор гирифтанд.
Ҷонибҳо сатҳи баланди кунунии муносибатҳои Ӯзбекистону Белорусро, ки ба туфайли татбиқи созишномаҳо дар сатҳи олӣ ба даст омадаанд, бо қаноатмандӣ қайд намуданд.
Соли гузашта муомилоти мол 44 фоиз ва дар хафт мохи соли ҷорӣ 12 фоиз афзуд. Ҳафтаи гузашта дар Минск ҷаласаи навбатии Комиссияи муштараки байниҳукуматӣ бомуваффақият баргузор гардид.
Аҳамияти тезонидани лоиҳаҳои бузурги ҳамкорӣ дар соҳаҳои гуногуни иқтисодиёт таъкид шуд. Сарони давлатҳо ҳамчунин хостори идомаи барномаҳои табодули фаъоли фарҳангӣ ва башардӯстона шуданд.
Доир ба рӯзномаи минтақавӣ, аз ҷумла дар доираи ҳамоиши сарони кишварҳои узви Созмони ҳамкориҳои Шанхай дар моҳи сентябри соли ҷорӣ дар Самарқанд табодули афкор сурат гирифт.
