Ӯзбекистон дар чаҳорчӯби созишномаи байниҳукуматӣ аз моҳи ноябр воридоти бензинро аз Федератсияи Русия оғоз кард. Дар ин бора вазири энергетикаи ҷумҳурӣ Ҷўрабек Мирзомаҳмудов маълум кард.
«Имрӯз интиқоли бензини воридотӣ аз ширкатҳои Русия оғоз шуд. Ба шарофати тавофуқе, ки моҳи октябр ҳосил шуда буд, бори аввал аз моҳи ноябр воридот оғоз ёфт», - гуфт ӯ зимни суханронӣ дар Палатаи қонунгузории Ӯзбекистон.
Ҷ.Мирзамаҳмудов афзуд, ба вазъи бензин дар Ӯзбекистон маҳдудияти муваққатии содироти бензин аз ҷониби Русия таъсир расонид. Ба гуфтаи ӯ, дар ҷараёни сафари Шавкат Мирзиёев ба Маскав дар моҳи октябр созишномаи байниҳукуматӣ ҳосил шуда буд, ки тибқи он ба Ӯзбекистон имкони содироти бензин новобаста аз мавҷуд будан ё набудани маҳдудиятҳо дода шуд.
Қаблан вазир дар ҳошияи Форуми иқтисодии АвруОсиё дар Верона хабар дода буд, ки Ӯзбекистон ва Русия созишномаи байниҳукуматӣ дар бораи интиқоли нафт ва маҳсулоти нафтиро имзо карданд. “Дар он ҷо ҳаҷмҳо вуҷуд надоранд. Принсипи муҳимтарин масъалаи таъминот аст”, - афзуд ӯ.
