Дар вазорати иқтисодиёт ва молия мулоқоти муовини Сарвазир - вазири иқтисодиёт ва молия Ҷамшед Қӯчқоров бо Сафири Фавқулода ва Мухтори Туркия дар Ӯзбекистон Олган Бекар баргазор гардид.
Дар ҷаласа ҳамчунин раиси Палатаи савдо ва саноат Даврон Ваҳобов,, намояндагони Вазорати корҳои хориҷӣ ва вазорати сармоягузорӣ, саноат ва савдо ширкат доштанд. Аз ҷониби хориҷӣ котиби якуми Сафорати Туркия дар Ӯзбекистон Алижан Аксой иштирок дошт.
Зимни вохӯрӣ иштирокчиёни муколама ба имкониятҳои густариши робитаҳои тиҷоратию иқтисодӣ, ҷалби сармоя ва таҳияи лоиҳаҳои судманд таваҷҷуҳи хоса зоҳир намуданд. Аз ҷумла, дурнамои рушди соҳибкорӣ миёни Ӯзбекистон ва Туркия ва афзоиши минбаъдаи ҳаҷми савдои хориҷӣ байни ду кишвар баррасӣ шуд.
Вазири иқтисод ва молия Ҷамшед Қӯчқоров ва Сафири Туркия Олган Бекар омодагии худро барои беҳбуди шароити соҳибкорӣ ва фароҳам овардани фазои мусоиди сармоягузорӣ изҳор доштанд.
Дар ҷамъбасти мулоқот иштирокдорон дурнамои таҳким ва рушди шарикии дарозмуҳлати байни Ӯзбекистон ва Туркияро баррасӣ карданд. Олган Бекар қайд кард, ки ҳамкориҳои Ӯзбекистон ва Туркия дорои имконоти назаррас мебошанд.
Дар чаҳорчӯби мулоқоти мазкур баррасӣ шудани пешомади таҳким ва рушди муносибатҳои Ӯзбекистону Туркия муҳим будани таҳкими ҳамкорӣ байни Ӯзбекистон ва Туркияро тасдиқ намуд.
