Тибқи фармони сарвари давлат ҷамъ 7 нафар шахси дар вилояти Бухоро сабти номгардида афв карда шуда, ба онҳо ба маблағи 8 миллиону 902 ҳазор сӯм кӯмаки моддӣ расонида шуд.

Тибқи фармони сарвари давлат ҷамъ 7 нафар шахси дар вилояти Бухоро сабти номгардида афв карда шуда, ба онҳо ба маблағи 8 миллиону 902 ҳазор сӯм кӯмаки моддӣ расонида шуд.
Ғайр аз ин, 3 нафар аз муоинаи тиббӣ гузаронида, барои нав кардани шиносномаҳояшон ба онҳо ҳуҷҷатҳо расмӣ гардонда шудаанд, инчунин барои  ба тарзи ҳаёти солим баргардондани онҳо имконият фароҳам оварда шуд.
— Барои 59 нафар, ки аз ғояҳои экстремистӣ баргашта,  ба ҷомеа комилан мутобиқ гардиданд, хулосаҳо омода карда, аз базаи ягонаи маълумот хориҷ карда шуданд, — гуфт сардори Раёсати корҳои дохилии вилоят Шӯҳрат Алиев. — Барои барқарорсозии иҷтимоии шаҳрвандоне, ки қурбони ғояҳои экстремизми динӣ гаштаанд ва ба ҳаёти солим баргардонидани онҳо як қатор чораҳои амалӣ андешида шуданд. Дар натиҷа, дар 9 моҳи соли равон дар ҷараёни иҷтимоикунонии 281 нафар ниёзманди ҳифзи иҷтимоӣ ва 1134 аъзои оилаи онҳо 381 мушкилот муайян карда шуд, ки 365-тои онҳо дар ҷойи худ ҳалли худро ёфтанд.
Мушкилоти марбут ба таъмири 1 хона, 13 шуғл, 20 ёрии тиббӣ, 1 ҷудо кардани қарзи бонкӣ, 1 соҳибкорӣ, 2 ҷазои маҳрум сохтан аз озодӣ ва 12 шиносномаи шаҳрвандӣ ҳалли худро ёфтанд. Ғайр аз ин, ба 303 оила ба маблағи 611 миллиону 249 ҳазор сӯм ёрии моддӣ расонда шуд.
— Ҳамзамон, тибқи барномаи махсус, дар моҳҳои июл-сентябр ба 69 нафаре, ки ба кӯмаки иҷтимоӣ ва маънавӣ ниёз доранд, ба маблағи 273,9 миллион сӯм кӯмакҳои гуногун расонда шуданд, — гуфт роҳбари котиботи равобит бо ташкилотҳои ҷамъиятӣ ва динии ҳокимияти вилоят Акбар Рустамов. — Аз ҷумла, 23 нафар ба маблағи 44 миллион сӯм кӯмаки молиявӣ, 11 нафар мошинҳои дӯзандагӣ, 6 нафар чорвои калони шохдор ва 11 нафар чорвои майда гирифтанд. Барои 2 шаҳрванд гармхона сохта шуд. Ғайр аз ин, аз ҳисоби барнома дар самтҳои  омӯзиши касбӣ, додани ҷиҳозҳои техникаи маишӣ, пардохти қарзи коммуналӣ маблағ ҷудо карда шуд.

Зариф КОМИЛОВ,
мухбири ӮзА.