Сафари Президент Шавкат Мирзиёев ба вилояти Намангон аз боздиди корхонаи «Fazman tekstil» дар ноҳияи Давлатобод оғоз ёфт
Сарвари давлатамон ҳамеша таъкид мекунад, ки пеш аз ба роҳ мондани истеҳсолот бозори фурӯшро муайян кардан ва бо брендҳои ҷаҳонӣ ҳамкорӣ кардан зарур аст. Дар натиҷаи фароҳам овардани муҳити мусоиди корӣ барои сармоягузорони хориҷӣ дар вилояти Намангон таҳти чунин брендҳо, ба мисли "Waikiki", "Baldessarini", "ZARA" либосҳо истеҳсол карда мешаванд.
Корхонаи ба наздикӣ кушодашудаи «Fazman tekstil» низ корро маҳз аз ҳамин шуруъ намуд — бо бренди маъруфи олмонии «Hugo boss» шарикӣ ба роҳ монда шуд.
Дар чаҳорчӯби лоиҳаи арзишаш 20 миллион доллар корхонаи бузурге сохта шуд, ки бо таҷҳизоти муосири Олмон ва Туркия муҷаҳҳаз шудааст. Дар ин ҷо қариб ҳазор ҷои кор ташкил карда шудааст.
Корхона дар як сол 1 миллион дона костюму шим истеҳсол карда метавонад. Маҳсулот ба стандартҳои бренди духти махсус мувофиқат мекунанд. Ба нақша гирифта шудааст, имсол ҳаҷми содирот 15 миллион долларро ташкил диҳад.
Сарвари давлатамон бо раванди технологӣ шинос шуда, ба сифати маҳсулот ва иқтидори содиротии корхона баҳои баланд дод.
Президент инчунин аз маркази таълимии дар ин ҷо ташкилшуда дидан карда, бо ҷавононе, ки касбро аз худ мекунанд, ба сурат афтид.
