Созмони умумиҷаҳонии тандурустӣ (СУТ) ба далели афзоиши бемориҳои роҳи нафас ва дар бораи кластерҳои бақайдгирифташудаи пневмония дар байни кӯдакон аз Чин дархости расмӣ кард. Дар ин бора дар вебсайти созмон хабар дода шудааст.
Дар шимоли Чин афзоиши шумори кӯдакони гирифтори пневмония сабт шудааст. Маълумоте, ки сабабҳои ба вуҷуд омадани ин бемориро нишон диҳанд, нокифояанд. Ҳамин тариқ, Созмони умумиҷаҳонии тандурустӣ кӯшиш мекунад муайян кунад, ки оё ин беморӣ аз паҳншавии зуком, SARS-CoV-2, вируси синситиалии респираторӣ (RSV) ё пневмонияи микоплазма ба вуҷуд омадааст, менависад runews24.
Мақомоти Чин, дар навбати худ, гуфтанд, ки афзоиши шумораи беморон метавонад бо бекор кардани маҳдудиятҳои ковид алоқаманд бошад.
Аммо, чунин тавзеҳот барои СУТ кофӣ нест, аз ин рӯ созмон тавассути механизми Қоидаҳои байналмилалии тандурустӣ барои гирифтани маълумоти эпидемиологӣ, клиникӣ ва натиҷаҳои лабораторӣ дар бораи ин беморӣ ба мақомоти Чин муроҷиат кардааст.
