Президент Шавкат Мирзиёев 15 январ бо тақдимот дар бораи ҷорӣ кардани рейтинги устувории соҳибкорон шинос шуд.
Рушди соҳибкорӣ самти афзалиятноки сиёсати иқтисодии кишвари мо мебошад. Шароити пеш бурдани тиҷорат пай дар пай беҳтар мешавад. Дар Соли дастгирии ҷавонон ва соҳибкорӣ, дар доираи кӯшишҳо оид ба таъмини шуғли 5 миллион нафар барои соҳибкорон имкониятҳои боз ҳам бештар фароҳам оварда мешаванд. Барои ин ба нақша гирифта шудааст, ки 83 триллион сўм ва 275 миллион доллар кредит ва субсидия ҷудо карда шавад.
Рейтинги пешниҳодшуда боз як ангезаи дигари фаъолияти соҳибкорӣ гардад. Дар ҷараёни мулоқоти ошкорои сарвари давлат бо соҳибкорон аҳамияти он мавриди баррасӣ қарор дода, баъдан меъёр ва принсипҳои ин рейтинг таҳия карда шуданд.
Рейтинг аз рӯи 23 меъёр, аз қабили давомнокии фаъолият, сатҳи даромаднокӣ, интизоми пардохт, иштирок дар таъмини шуғли аҳолӣ ва музди меҳнат ба 4 категория тақсим кардани соҳибкоронро пешбинӣ мекунад. Рейтинг дар асоси маълумоти мақомоти андоз, адлия ва суд ташаккул дода карда мешавад. Ҳар як соҳибкор метавонад дар вақти воқеӣ мавқеъ ва баҳои худро бидонад.
Барои соҳибкороне, ки рейтинги баланд доранд, ҳама санҷишҳои андоз бекор карда шуда, маблағи андоз аз арзиши иловашуда дар давоми як рӯз баргардонида мешаванд ва пешпардохт аз рӯи дигар намудҳои андозҳо дар давоми се рӯз баргардонида мешаванд. Имконияти ҳисобу китоби мутақобила аз ҷониби мақомоти гумрук ва андоз аз арзиши иловашуда ҳангоми воридот ва фурӯши мол фароҳам оварда мешавад. Мӯҳлати пардохти арзиши амволи давлатӣ ва қитъаҳои замин, аз савдои музояда гирифта шудаанд, аз 3 то 5 сол дароз карда мешавад. Агар шумо на камтар аз 15 фоизи пешпардохти яквақтаро пардохт кунед, фоизи солона ба маблағи боқимонда ҳисоб карда намешавад.
Рейтинг барои он ҳам муҳим аст, ки акнун ба фаъолияти соҳибкорон на аз ҷониби мақомоти андоз, балки тавассути низоми электронӣ баҳо дода мешавад. Минбаъд дар асоси рейтинг субсидияҳо, имтиёзҳо ва сабукиҳо дода мешаванд. Соҳибкорон саъй хоҳанд кард, ки ба қатори соҳибкорони боинтизом дохил шаванд ва имкони бештар пайдо кунанд.
Аз тарафи дигар, ин рейтинг ҳамчун як системаи муҳофизат хидмат хоҳад кард, ки ба соҳибкорон маълумоти боэътимод дар бораи шарикони худ, огоҳӣ аз хатари муомилоти шубҳанок ва рақобати ноодилонаро пешниҳод менамояд. Ин ба коҳиши иқтисодиёти «соягӣ» хизмат мекунад.
Сарвари давлат зарурати омӯзиши бодиққат таҳия намудани ин система, таъмини самаранокӣ ва холисона будани онро қайд кард.
- Дар асоси пешниҳоди соҳибкорон мо шароити тиҷоратро беҳтар мекунем. Қарори ахир 16 иҷозатнома ва 34 намуди ҳисоботро бекор кард. Синфи соҳибкор ба қувваи пешбарандаи ҷомеа табдил ёфта, ҷавонон ба онҳо нигоҳ мекунанд. Акнун тавассути ин рейтинг дар байни соҳибкорон итоаткорӣ ба қонуният, интизом ва ташаббускориро ҳавасманд кардан лозим аст. Дар татбиқ ва таъмини самарабахшии рейтинг ба Шӯрои ҷамъиятӣ оид ба дастгирии соҳибкорӣ нақши муҳим гузошта мешавад, -- гуфт Шавкат Мирзиёев.
Муайян карда шудааст, ки платформаи «Рейтинги устувории соҳибкорон» бояд то 1 март ба кор андохта шавад. Палатаи савдо ва саноат бо соҳибкорон ҷиҳати фаҳмонидани имкониятҳои рейтинг корҳои ҳамаҷониба анҷом хоҳад дод. Низоми шаффофи ҷудо кардани қарз, имтиёз ва сабукиҳо ташкил карда мешавад.
Аҳамияти пеш бурдани кори мақсаднок бо соҳибкороне, ки рейтинги паст доранд, расондани кумак ба онҳо дар ҷоннок гардондан ва барқарор намудани фаъолияти худ таъкид гардид.
