Муҳтарам Волоҳазрат Амир!

Муҳтарам Волоҳазрат Амир!
Муҳтарам сарони ҳайатҳо!
Хонумон ва ҷанобон!
Аз он ки шуморо дар шаҳри Тошканд дар маросими супурдани Ҷоизаи олии байналхалқӣ оид ба мубориза алайҳи тамаъгарӣ мебинам, хурсандам.
Ба Ӯзбекистони Нав хуш омадед, меҳмонони азиз!
Пеш аз ҳама мехоҳам ба дӯсти азизи худ, асосгузори ин ҷоизаи бонуфуз Волоҳазрат Амири Қатар Шайх Тамим бин Ҳамад Ал-Танӣ, ҳамчунин раёсати Созмони Милали Муттаҳид оид ба нашъа ва ҷинояткорӣ бинобар таклифашон бобати баргузор кардани ин маросим дар кишвари мо ва кумаки фаъолонаашон миннатдории амиқ изҳор намоям.
Аз фурсат истифода бурда, дӯстони қатарии моро, ки дар чорабинӣ иштирок доранд ва дар шахси онҳо тамоми мардуми Қатарро бо ҷашни истиқлол, ки дирӯз васеъ қайд карда шуд, самимона муборакбод  мекунам.
Бояд таъкид кард, ки ба шарофати сарварии дурандешонаи Волоҳазрат Амир солҳои охир Давлати Қатар дар рӯҳи бозсозӣ зиндагӣ мекунад, дар мамлакат тағйироти бузург татбиқ мешаванд, комёбиҳои азим ба даст меоянд. Ман ҳангоми сафар ба Доҳаи нотакрор ин тағйиротро бо чашмони худ дидам.
Алҳол Қатар ба маркази ҳамкорӣ ва дипломатияи ҷаҳонӣ табдил меёбад, дар сатҳи баланд баргузор кардани чемпионати ҷаҳон оид ба футбол, Конфронси байналхалқӣ бинобар рушди мамлакатҳо, Намоишгоҳи умумиҷаҳонии «Экспо Доҳа – 2023», бисёр ташаббусҳои байналхалқӣ аз ин шаҳодат медиҳанд.
Бо қаноатмандии махсус зикр менамоям, ки ба шарофати мулоқоти фаъол муносибатҳои байни давлатҳои мо ба дараҷаи куллан нав бардошта шуданд. Мо ба як қатор лоиҳаҳои бузурги муштарак оғоз бахшидем. Маҳз дар кишвари мо баргузор шудани чорабинии имрӯза зуҳуроти равшани умумият ва ҳамоҳангии ҳадафҳои мо ба шумор меравад.
Муҳтарам иштирокдорони анҷуман!
Таъсис дода шудани ҷоизаи ҷаҳонӣ дар соҳаи аксуламал ба тамаъгарӣ, ки аз ҷумлаи мушкилоти рӯзмарратарини ҷаҳони зудтағйирёбандаи мо ба шумор меравад ва баргузор намудани маросими супурдани ин ҷоиза дар тамоми қитъаҳо, бешубҳа, сазовори эътирофи бузург мебошад.
Зеро мубориза бар муқобили тамаъгарӣ вазифаи муқаддаси ҳар як инсони софвиҷдон, ҳар кадом ҷамъият ва давлати демократӣ маҳсуб меёбад.
Эътироф кардани хидмат ва супурдани ин мукофоти бонуфуз ба шахсиятҳое, ки фаъолнокии бештар зоҳир намуда, дар мубориза алайҳи тамаъгарӣ дар ҷаҳон саҳми сазовор гузоштанд, барои мунтазам ба ҳаёт татбиқ гардидани Баённомаи Созмони Милали Муттаҳид бар муқобили тамаъгарӣ, ки расо 20 сол муқаддам қабул шудааст, мусоидат мекунад.
Муҳтарам хонумон ва ҷанобҳо!
Таърихи инсоният аз он шаҳодат медиҳад, ки бинобар тамаъгарӣ ҳатто давлатҳои аз ҳама пурқувват ва пуриқтидортарин ҳам дар саргаҳи ҷарӣ қарор доштанд.
Тамаъгарӣ ин таҳдидест, ки пояи тамоми инсоният, тамоми ҷамъиятҳоро хароб мекунад, ба иқтисодиёт зарба медиҳад, волоияти қонунро вайрон карда, эътимоди халқро ба сиёсати давлат коҳиш медиҳад, ба рушди идораҳои демократӣ монеа мешавад. Вай ҳамчунин нақшаҳои моро бинобар муваффақ шудан ба Ҳадафҳои устувори пешрафт ҷиддан халалдор менамояд.
Мувофиқи таҳлилҳо ҳоли ҳозир зарар аз тамаъгарӣ дар ҷаҳон тақрибан 3 триллион доллари ИМА-ро ташкил медиҳад. Вале, ман фикр мекунам, ин рақами бузург ҳолати воқеӣ ва ҳаҷми ҳақиқии зарарро пурра инъикос наменамояд. Аз ҳама бадаш ин миқёси зарари маънавиест, ки ба ҷомеа расонида мешавад.
Оқибатҳои ин мушкилоти ҷиддиро амиқ идрок намуда, мо бо чунин сохторҳои бонуфузи байналхалқӣ, аз ҷумла Созмони Милали Муттаҳид, Бонки умумиҷаҳонӣ, Созмони ҳамкории иқтисодӣ ва рушд аз наздик ҳамкорӣ менамоем.
Дар мубориза алайҳи тамаъгарӣ ислоҳоти мунтазами ҳуқуқӣ ва идоравиро татбиқ мекунем. Мо бобати аксуламал ба тамаъгарӣ қонун қабул кардем, Оҷонсии дахлдорро созмон додем ва ба он ваколатҳои махсусро бор намудем. Механизмҳои заруриеро, ки ба таъмин кардани ошкорбаёнӣ, фаъолияти  рӯшод ва баланд бардоштани масъулияти ҳукумат, коҳиш додани бюрократия ва содатар кардани хидматҳои давлатӣ, пешгирии тамаъгарӣ нигаронида шудаанд, васеъ ҷорӣ менамоем. Аз ҷумла, дар тамоми идораҳои давлатӣ низоми  назорати маҷмӯӣ ва рейтинги самаранокӣ ба роҳ монда шудааст. Харидҳои давлатӣ куллан рақамӣ кунонида шуданд.
Ӯзбекистон соли 2021 узви Хартияи байналхалқии маълумотҳои ошкоро гардид. Кишвари мо дар Барномаи истанбулии ҳаракат, Шабакаи таъҷилии ҷаҳонӣ, гурӯҳҳои авроосиёӣ ва эгмонтӣ, бисёр дигар платформаҳо фаъолона иштирок мекунад, вазифаи Котибияти Шабакаи бозгардонии маблағҳо ба давлатҳои Ғарб ва Осиёи Марказиро иҷро менамояд.
Ҳар сол дар Тошканд анҷумани анъанавии байналхалқии зидди тамаъгарӣ гузаронида мешавад.
Тӯли солҳои охир кишвари мо дар индекси «Transparency International» ба 42 зина боло рафт ва дар минтақа мақоми баландро соҳиб гардид. Мо дар назди худ мақсад гузоштаем, ки то соли 2030-юм ҷойи худро дар рейтинги мазкур боз 50 зина болотар кунем. Соли равон дар рейтинги «Open Data Inventory» мо мақоми 30-юмро ишғол кардем. Бинобар миқдори манбаъҳои маълумоти кушод Ӯзбекистон дар ҷаҳон ҷойи 4-умро ишғол менамояд. 
Муҳтарам иштирокдорони маросим!
Дар Ӯзбекистони Нав ислоҳоти демократӣ ҷиҳати бебозгашт пайдо мекунанд, мо дар назди худ дар соҳаи аксуламал ба тамаъгарӣ нақша ва вазифаҳои бузург гузоштаем.
Мо тайёрем тамоми неру ва иқтидори худро дар ин муборизаи масъул ва бебозгашт якҷо бо Раёсати СММ оид ба нашъа ва ҷинояткорӣ, тамоми шарикони байналхалқӣ сафарбар намоем.
Якум, мо Стратегияи миллиро оид ба мубориза ба муқобили тамаъгарӣ то соли 2030-юм кор карда баромадем ва татбиқ месозем. Ба минбаъд таъмин кардани шаффофияти фаъолият ва баланд бардоштани ҳисоботдиҳии мақомоти давлатӣ, такмил додани низоми маълумоти ошкоро, таҳким бахшидан ба асосҳои ҳуқуқӣ ва механизми соҳаҳои идоравӣ эътибори махсус медиҳем.
Дуюм, ташаббусҳои минтақавӣ ва ҷаҳонӣ, лоиҳаҳои нав дар соҳаи аксуламал алайҳи тамаъгариро дастгирӣ ва барои иҷрои онҳо фаъолона иштирок мекунем. Дар самти мазкур ният дорем Платформаи минтақавии Баённомаи зидди тамаъгариро, ки моҳи гузашта дар Тошканд ба роҳ гузошта шуд, васеъ истифода бубарем.
Баробари ин таъсис додани Маркази минтақавии таҳқиқотӣ оид ба мушкилоти тамаъгарӣ ба мақсади мубодилаи таҷриба ва пурзӯр кардани мулоқот, гузарондани тадқиқоти илмӣ бо ҷалби фаъоли созмонҳои ғайридавлативу ғайритиҷоратиро пешниҳод мекунам.
Сеюм, мо иқтидори Оҷонсии оид ба аксуламал ба тамаъгариро аз тариқи пурзӯр намудани ҳамкории қарини тарафайн бо муассисаҳои соҳавии хориҷӣ баланд мебардорем. Дар пояи таҷрибаи пешқадамтарини байналхалқӣ механизмҳои нав, идораи «омӯзиши пешакӣ»-и санадҳои вобаста ба тамаъгарӣ, тафтишоти зидди тамаъгарӣ ҷорӣ карда мешаванд.
Чаҳорум, ташаккул додани насли ҷавоне, ки аз бачагӣ ба ӯ «сӯзандоруи поквиҷдонӣ» гузаронида шудааст, вазифаи аввалиндараҷаи мо ба шумор меравад. Мо дар Ӯзбекистон аз васеъ ҷорӣ намудани барномаи Захираи ҷаҳонии СММ оид ба маърифати зидди тамаъгарӣ ва баланд бардоштани фаъолнокии ҷавонон алайҳи тамаъгарӣ манфиатдор мебошем.
Панҷум, мо ба нақши расонаҳои ахбори оммавӣ, ки дар чунин ҷараёни мураккаб ҳамчун аксуламал ба тамаъгарӣ дар сафҳои пеш қарор доранд, баҳои махсус медиҳем.
Умедворам шумо таклифи моро дар бораи баргузор кардани Анҷумани ҷаҳонии матбуот барои самарабахш истифода бурдани имконияти журналистон ва минбаъд баланд бардоштани таъсири онҳо дар соҳаи мубориза алайҳи тамаъгарӣ дастгирӣ мекунед.
Дӯстони муҳтарам!
Имрӯз бори аввал тамоми онҳое, ки сазовори ин ҷоизаи байналхалқӣ гардидаанд, дар як соҳат ҷамъ омадаанд, бо иштироки онҳо Вохӯрии ҷоизадорон гузаронида мешавад, ки низ ҳодисаи дорои аҳамияти бузург ба шумор меравад.
Саъю кӯшишҳои Амири Қатар дар сатҳи ҷаҳонӣ, ки бо халқҳои ҷаҳон дастовардҳои пешқадам ва сармояҳои худро ба ҳам мебинад, алайҳи тамаъгарӣ – якҷо бо саъю кӯшишҳои неки умумии мо бо ғайрат ва ҷасурона мубориза мебарад, бешубҳа, натиҷаҳои азими мусбат хоҳанд дод.
Ёдгории устуворшуда, бахшида ба ин мавзӯъ кафи кушодаи дастонест, ки ба боло бардошта шудаанд, то пеши роҳи тамаъгарӣ гирифта шавад, мо дастони қаҳрамонони худро, ки дар анҷумани кунунӣ иштирок доранд ва қатъияну хастанопазирона аз роҳи адолат мераванд, маҳкам мефишорем. Мо дар иҷрои корҳои бағоят муҳиматон ҳамеша бо шумоем.
Аз имконият истифода бурда, тамоми барандагони ҷоизаи бонуфузро самимона ва аз таҳти дил муборакбод менамоям.
Бори дигар ба меҳмонони хориҷӣ, ки дар ин маросим иштирок доранд, миннатдории амиқ изҳор мекунам.
Ба ҳамаи шумо неруву ғайрат ва дар иҷрои вазифаи масъулатон комёбиҳои нав орзумандам.
Барои эътиборатон ташаккур.