17 августи соли ҷорӣ намояндагони 1,3 ҳазор корхона аз 40 кишвар ва минтақа барои ширкат дар 4-умин ЭКСПО “Чин – Авруосиё: мол ва тиҷорат” дар ноҳияи мухтори Шинҷон-Уйғури Чин ҷамъ меоянд.

Бино ба гузориши хабаргузории давлатии ҶМЧ «Синьхуа»,  ЭКСПО, ки аз 17 то 21 август дар Урумчӣ баргузор мешавад, барои тавсеаи ҳамкориҳои Осиё ва Аврупо пешбинӣ шудааст. Дар доираи баргузории ЭКСПО гуфтушунидҳои тиҷоратӣ, форумҳо ва семинарҳо оид ба ҳамкориҳои иқтисодии минтақавӣ ба нақша гирифта шудааст, хабар медиҳад АИ «Дунё».

Ташкилкунандагон таъкид мекунанд, ки ЭКСПО имсол ба пешбурди тиҷорат таваҷҷуҳ хоҳад кард. 33 чорабинии рекордӣ, аз ҷумла музокироти тиҷоратӣ, муҳокимаҳои панелӣ ва семинарҳо барои пешбурди ҳамкориҳои тиҷоратӣ, сармоягузорӣ ва саноатӣ баргузор мешавад. Инчунин симпозиум бахшида ба рушди саноат ва савдо дар роҳи Роҳи абрешим дар назар аст.

Бино ба иттилои хабаргузории "Синхуа", дар симпозиум меҳмонон аз панҷ кишвари Осиёи Марказӣ ва ҳудуди 300 соҳибкор аз Чин ва кишварҳои дигар ширкат хоҳанд кард. Дар чорабинӣ ба нақши тиҷорати хусусӣ таваҷҷуҳ карда, барои густариши ҳамкориҳои Шинҷон бо дигар минтақаҳои Чин ва кишварҳои ҳамсоя замина фароҳам меорад.

Зиёда аз 1,3 ҳазор ширкат иштироки худро дар намоишгоҳ тасдиқ карданд, аз ҷумла 25 ширкати пешбари ТОП-500 дар ҷаҳон. Дар маҷмӯъ 40 кишвару минтақа ва 7 созмони байналмилалӣ намояндагони худро ба ЭКСПО мефиристанд.

Намоишгоҳи қаблии ЭКСПО-и "Чин-Авруосиё: мол ва тиҷорат" дар солҳои 2015, 2017 ва 2021 баргузор шуда буд. Дар онҳо зиёда аз 3,7 ҳазор ширкат аз 46 мамлакату минтақаҳои ҷаҳон иштирок карданд.

Ёдовар мешавем, ки моҳи июли соли ҷорӣ дар Урумчӣ сохтмони яке аз биноҳои Маркази сармоягузории молиявии панҷ кишвари Осиёи Марказӣ - Маркази хидматрасонӣ ба миёнаравони молиявии Камарбанди иқтисодии Роҳи Абрешим ба анҷом расид. Дар доираи лоиҳа бунёди ду бинои маъмурӣ – Маркази хизматрасонӣ ба миёнаравони молиявии «Камарбанди иқтисодии Роҳи Абрешим» ва Маркази омодасозии кадрҳои молиявию иқтисодии Камарбанди иқтисодии Роҳи абрешим дар назар аст.