Ҳоло дар Самарқанд лагери экологии ҷавонони Осиёи Марказӣ ҷараён дорад.
Ташкили лагери экологӣ ба таҳияи Стратегияи Осиёи Марказӣ барои пешбурди фарҳанги рушди устувор ва ҷалби кӯдакону ҷавонон ба барномаи иқлим равона шудааст.
Дар ҷараёни чорабинӣ 60 нафар экологҳо аз 5 кишвари Осиёи Марказӣ як қатор пешниҳодҳо ба миён гузоштанд.
Аз ҷумла, зарурати бунёди ҷангалҳои сунъӣ барои ҷуброни растаниҳои гумшуда ва баланд бардоштани фарҳанги экологии аҳолӣ, бахусус ҷавонон таъкид шуд. Ҳамзамон, зарурати коҳиш додани партовҳои зараровар тавассути маблағгузории эко-стартапҳо, барои афзоиши мошинҳои барқӣ ва такмил додани катализаторҳои мошинҳои бо сӯзишворӣ коркунанда зикр гардид.
Илова бар ин, фаъолони экологӣ пешниҳод карданд, ки диққати ҷомеаро ба мушкилоти экологӣ бо кумаки таъсиргузорон ҷалб кунанд.
Лагери экологӣ то 5 октябр давом мекунад.
