Яке аз вазифаҳои аввалиндараҷаи Вазорати иқтисод ва молия дастгирии имконияту ҳуқуқҳои занони соҳибкор, мусоидат намудан бобати ба бозор баровардани маҳсулот ва хизматрасониҳои онҳо тавассути ҷалби онҳо ба харидҳои давлатӣ мебошад.
Ба сифати идомаи мантиқии ин корҳо 19-уми декабри соли ҷорӣ бо ташаббуси Вазорати иқтисод ва молия вохӯрии навбатӣ дар шакли муколамаи кушод бо иштироки занони соҳибкор дар мавзӯи «Дастгирии минбаъдаи тиҷорат тавассути таъмини ошкорбаёнӣ ва шаффофияти харидҳои давлатӣ” баргузор гардид.
Ба вохӯрӣ занони соҳибкор, ки дар соҳаҳои гуногун фаъолият доранд, даъват шудаанд.
Дар рафти суҳбати озод ба иштирокчиён оид ба ислоҳот, нақшаҳои минбаъда оид ба рушди соҳибкории занон дар мамлакати мо, инчунин дар бораи имтиёзҳо, афзалиятҳо ва имкониятҳои иштирок дар харидҳои давлатӣ маълумоти муфассал дода шуд.
Пас аз муколамаи ошкоро дар рӯҳияи саволу ҷавоб ва мубоҳисаҳои ҷолиб қарор дода шуд, ки ҳамкориҳои васеъмиқёс, ки барои боз ҳам васеътар намудани имкониятҳои бонувони соҳибкор нигаронда шудааст, идома дода шаванд.
