ИМКОНИЯТҲОИ САЙЁҲИИ ӮЗБЕКИСТОН ДАР КУВАЙТ МУАРРИФӢ ШУДАНД

Дар фурудгоҳи байналмилалии Кувайт шоуи “Aviation Show 2020” баргузор гардид, ки як қатор чорабиниҳои фарҳангиро дар бар гирифт.

Намояндагони сафорати кишвари мо дар Кувайт иштирокчиёни яке аз ин чорабиниҳо гаштанд, ки ба он шахсони мансабдор, соҳибкорон, зиёиёни эҷодкор, ҷомеа ва ВАО даъват карда шуданд.
Ҳамин тавр, дар макони яке аз ин чорабиниҳо стенди миллии Ӯзбекистон кушода шуд, ки иқтидори фарҳангӣ ва сайёҳии кишварро муаррифӣ мекунад, бо мероси таърихӣ ва маънавӣ ва рушди муосири он шинос менамояд. Меҳмонон ба таърих ва анъанаҳои халқи Ӯзбекистон, нақш ва саҳми  Ӯзбекистон дар рушди тамаддун таассуроти самимӣ ва таваҷҷӯҳи зиёд изҳор намуданд.
– Мероси ғании маънавии халқи Ӯзбекистон, ёдгориҳои меъморӣ барои тамоми инсоният бебаҳо мебошанд, — мегӯяд президенти авиатсияи шаҳрвандии Кувайт Шайх Салмон ас-Сабоҳ. – Мо Ӯзбакистонро ватани Имом Бухорӣ медонем. Ин ҳама дар шароити муосир барои ҳам кишвар ва ҳам меҳмонони он имкониятҳои бузурги сайёҳиро боз мекунад.
— Кори муттасили идомаи рушди соҳаи сайёҳӣ, ки ҳамчун яке аз бахшҳои муҳими иқтисодиёти Ӯзбекистон муайян шудааст, сазовори баҳои баланд аст, — гуфт раиси ширкати “Asbar for General Trading & Cont. Со.” Недел ал-Осим.
—  Мо сиёсати пешгирифтаи кишварро, ки ҷорӣ намудани низоми вуруди бидуни раводидро  барои шаҳрвандони зиёда аз 80 давлат дар назар дорад, дастгирӣ менамоем. Фикр мекунам, ки дар Ӯзбекистон барои муваффақиятҳои бузург дар ин самт тамоми заминаҳо мавҷуданд. Ин ҳам ҷуғрофияи беназир ва ҳам нақши таърихӣ дар Роҳи бузурги абрешим ва иқлими мусоид, муҳимтар аз ҳама — одамони аҷиб аст.
— Девораи миллии Ӯзбекистон дар чорабинии имрӯза муваффақияти калон дорад, – қайд кард ташкилкунандаи “Кuwait Aviation Show 2020” Нермин ал-Усома. – Бисёре аз меҳмонон хоҳиши сафар кардан ба кишвар, шаҳрҳои таърихӣ ва тамошобоби онро доштанд. Мо якҷоя бо сафорати ин кишвар, барои пешрафти имконоти фарҳангӣ ва сайёҳии Ӯзбекистон фаъолона кор хоҳем кард.

АИ «Дунё»,
АЛ-КУВАЙТ.

ТАФСИРИ ХУДРО ГУЗОРЕД: