Олимони чинӣ мегӯянд, ин навъ вирус дар кӯршабпаракҳои дар Африқои Ҷанубӣ пайдо шудааст ва ҳоло ҳам дар байни ин аҳолӣ паҳн мешавад
Олимон аз Чин гузориш доданд, ки коронавируси "NeoCoV", ки дар Африқо муайян шудааст, принсипҳои шабеҳи воридшавӣ ба ҳуҷайраҳои SARS-CoV-2 дорад ва метавонад барои одамон хатар эҷод кунад.
Таҳқиқоти олимони чинӣ дар портали "bioRxiv" нашр шудааст, менависад РБК.
"NeoCoV" дар кӯршабпаракҳо дар Африқои Ҷанубӣ пайдо шудааст ва ҳоло ҳам дар байни ин аҳолӣ паҳн мешавад.
Бо вуҷуди ин олимон қайд мекунанд, ки он дорои потенсиали пинҳонии таҳаввул ва дар натиҷа қобилияти ворид шудан на танҳо ба ҳуҷайраҳои ҳайвонот, балки ба одамон низ мебошад.
"NeoCoV" наздикӣ бо коронавируси "MERS-CoV" дорад, ки ангезандаи синдроми роҳи нафас дар Ховари Миёна аст ва авҷи он дар солҳои 2010 ба қайд гирифта шудааст.
Коронавируси SARS-CoV-2, ки боиси пандемияи COVID-19 гардид, аз тариқи ACE-2 ба бадан ворид мешавад. Олимони чинӣ қайд мекунанд, ки тадқиқоти онҳо "истифода"-и аввалини ACE2-ро аз ҷониби "хешовандон"-и коронавируси MERS-CoV ошкор кардааст.
Онҳо қайд мекунанд, ки ин "таҳдиди эҳтимолии биоамният" -ро ошкор мекунад. Олимон гуфтаанд, ки вирус бояд бодиққат назорат карда шавад. Дар баробари ин онҳо таъкид кардаанд, ки табиати "NeoCoV" ҳанӯз ба таври кофӣ мавриди омӯзиш қарор нагирифтааст.
