Консули генералии Ӯзбекистон дар Таиланд Фахриддин Султонов бо губернатори вилояти Краби Сомчай Харнпакдеепатима мулоқот кард.
Музофоти Краби дар ҷануби Таиланд ҷойгир аст. Ин яке аз минтақаҳои пешқадам бо аҳолии бештари мусулмонӣ, рушди туризми ҳалол ва кишоварзӣ мебошад. Ҳар сол ба вилоят қариб шаш миллион нафар сайёҳон меоянд.
Дар мулоқот масъалаҳои тавсеаи минбаъдаи робитаҳои тиҷоратию иқтисодӣ, сармоягузорӣ, фарҳангию гуманитарӣ ва ҳамкориҳои байниминтақавӣ баррасӣ шуданд.
Дипломатҳои ӯзбек ба губернатор дар бораи рушди муосири кишвари мо, ислоҳоти васеъмиқёси иқтисодӣ ва иқтидори сармоягузории Ӯзбекистон маълумот доданд.
Губернатор дар навбати худ ба густариши ҳамкориҳои дуҷониба дар ҳама бахшҳои мавриди таваҷҷуҳи тарафайн, аз ҷумла дар бахшҳои гардишгарӣ ва тиҷорат изҳори ҳавасмандӣ кард.
Дар натиҷаи гуфтушунидҳо бобати таҳия ва татбиқи Нақшаи чорабиниҳои амалӣ оид ба рушди ҳамкориҳои байниминтақавӣ, аз ҷумла лоиҳаи меморандуми дахлдор байни вилояти Фарғона ва Краби мувофиқа карда шуд. Дар нақша ҳамчунин масъалаҳои роҳандозии парвозҳои мустақим миёни ду кишвар, ташкили сафари ҳайати вилояти Фарғона ба музофоти Краб, ҳамоҳангсозии саъю талошҳои мутақобила ҷиҳати фароҳам овардани шароити мусоид барои сайёҳони ӯзбекистонӣ дар Таиланд ва дигар амалҳо дар назар аст.
АИ «Дунё»,
ш. Бангкок.
